Samsung က ဗီယက်နမ်မှာ Galaxy A06 ကို ကြေညာလိုက်ပြီး လာမယ့် ရက်ပိုင်းအတွင်းမှာ တခြား နိုင်ငံတွေမှာ မိတ်ဆက်နိုင်ပါတယ်။
Galaxy A06 မှာ MediaTek Helio G85 SoC မောင်းနှင်ထားပြီး 4GB RAM/64GB Storage , 6GB RAM/128GB Storage ထုတ်လုပ်ထားပါတယ်။ Storage ကို မြှင့်တင်ဖို့ microSD Card စိုက်နိုင်ပါတယ်။
အဲဒီဖုန်းမှာ 50MP Main အနောက်ကင်မရာ တပ်ဆင်ထားပြီး 6.7” HD+ 90Hz Display ပါပါတယ်။ 25W Fast Wired Charging ထောက်ပံ့တဲ့ 5,000mAh Battery ထည့်သွင်းထားပါတယ်။
Samsung က ဖုန်း အနောက်ဘက်ကို ပြားချပ်ပြီး ဒေါင်လိုက် အစင်းကြောင်းတွေ ထည့်သွင်းထားတာကို အသားပေး ပြောထားပါတယ်။ အဲဒီအတွက် လက်ဗွေရာ မထင်သလို ကြည့်လို့ ကောင်းပါတယ်။ ပါဝါခလုတ်အောက်မှာ လက်ဗွေရာ ကိရိယာ မြှုပ်နှံထားပါတယ်။
Samsung က A06 အတွက် အဓိက Android Update ၂ ခု ပေးမယ်လို့ ပြောပြီး Android 16 အထိ ရမှာပါ။ ဗီယက်နမ်မှာ ဒီလ ၂၂ ရက်နေ့ ရောင်းချမှာ ဖြစ်ပြီး 4/64GB ကို ၁၂၇ ဒေါ်လာနဲ့ 6/128GB ကို ၁၅၁ ဒေါ်လာ သတ်မှတ်ထားပါတယ်။
Ref : gsmarena
