နာမည်ကျော် Leakster Ice Universe က Galaxy S22 ရဲ့ Chipset ၊ ကင်မရာ သတင်းအချက်အလက်နဲ့ S22 Ultra ရဲ့ အားသွင်းနှုန်း သတင်းအချက်အလက်တွေကို မကြာခင်က မျှဝေခဲ့ပါတယ်။ အခုတော့ သူက Galaxy S22 မှာ 3700mAh ဘက်ထရီနဲ့ 25W Charging Support ပါလာနိုင်တယ်လို့ သတင်းပေးလာပါတယ်။
စိတ်ဝင်စားစရာကောင်းတာက S22+ နဲ့ S22 Ultra မှာ 45W Charging ပါလာမယ်ဆိုတာ ဖြစ်ပြီး S22 နဲ့ အားသွင်းနှုန်း တော်တော်ကွာခြားနေပါတယ်။ Samsung က ဘူးထဲမှာ Charger မထည့်သွင်းပေးနိုင်တဲ့အတွက် Charger ကို သီးခြားဝယ်ယူရနိုင်ပါတယ်။
မကြာခင်က ပူပူနွေးနွေး ကြေညာခဲ့တဲ့ iPhone 13 ထက် S22 ဟာ အရှည်၊ အကျယ်နဲ့ အထူအပိုင်းမှာ ပိုသေးသွားမှာ ဖြစ်တယ်လို့သိရပါတယ်။ iPhone 13 ရဲ့ အရွယ်အစား အပြည့်အစုံက 146.7 x 71.5 x 7.7 mm ဖြစ်ပါတယ်။
Samsung Galaxy S22 ဟာ Galaxy S10e နောက်ပိုင်းထွက်တဲ့ Samsung ရဲ့ အရွယ်အစား အကျစ်လစ်ဆုံး စွမ်းဆောင်ရည်မြင့် စမတ်ဖုန်း ဖြစ်လာနိုင်ပါတယ်။ နောက်ဆုံးပေါက်ကြားထားတဲ့ သတင်းအရ Galaxy S22 ရဲ့ မျက်နှာပြင် အရွယ်အစားဟာ ၆.၀၆ လက်မ ဖြစ်မယ်လို့ သိရပါတယ်။
Ref : gsmarena
