မနေ့ကပဲ Apple က Worldwide Developers Conference မှာ iOS 26, watchOS 26 နဲ့ AI Feature အသစ်တချို့ကို ကြေညာခဲ့ပါတယ်။ အခုတော့ Samsung ရဲ့အမေရိကန် ဌာနက Samsung Device တွေမှာ ရထားပြီးသား Feature တွေကို ကြေညာခဲ့တဲ့ Apple ကို လှောင်ပြောင်လိုက်ပါတယ်။

အရင်ဆုံး Samsung က Apple ရဲ့ Operating System အားလုံးမှာ ကြီးကြီးမားမား ပြောင်းလဲထားတဲ့ UI ကို ဒဲ့ဆော်လိုက်ပါတယ်။ Samsung က X လူမှုကွန်ရက်မှာ “ Customizable Apps လား? Floating Bars လား? Glass UI ဆိုတာလား? အဲဒါတွေဟာ ရင်းနှီးပြီးသားတွေ ဖြစ်ပါတယ်။ “ လို့ ရေးသားထားပါတယ်။ အဲဒါတွေဟာ Samsung Device တွေမှာ ရထားပြီးသားလို့ ဆိုလိုတာပါ။

အဲဒီနောက်မှာ Samsung က Apple ရဲ့ Live Translation ကို ဆော်လိုက်ပါတယ်။ Samsung က သူ့ရဲ့ Device တွေမှာ ရထားတာတော်တော်ကြာပြီလို့ ရေးသားထားပါတယ်။

နောက်ဆုံးမှာတော့ Apple Watches အတွက် ကြေညာခဲ့တဲ့ AI Feature တွေကို လှောင်ပြောင်လိုက်ပြီး “ Watch မှာ AI လာပြီ ဆိုလား? မိုက်တော့မိုက်ပါတယ်။ ဒါပေမယ့် Samsung Watch တွေမှာ ရထားပြီးသားပါ။ “ လို့ ရေးသားထားပါတယ်။

Ref : gsmarena