Sony က စွမ်းရည်မြင့် Xperia 1 VI ကို ကြေညာလိုက်ပါတယ်။ Sony ရဲ့ ရိုးရှင်းတဲ့ ဒီဇိုင်းကို အသုံးပြုထားပြီး ဘေးဘက်နဲ့ အနောက်ဘက်ကပြားချပ်ပါတယ်။ Sony က 4K OLED ကို မသုံးတော့ဘဲ 6.5” FHD+ OLED Display ကို သုံးထားပါတယ်။ 1-120Hz Refresh Rate နဲ့ 240Hz Touch Sampling Rate ပါလာပြီး Gorilla Glass Victus 2 နဲ့ ကာကွယ်ထားပါတယ်။
Snapdragon 8 Gen 3 Processor မောင်းနှင်ထားပြီး 12GB RAM နဲ့ 256GB Storage အထိ ထည့်သွင်းထားပါတယ်။ 1.5TB microSD Card စိုက်နိုင်ပါတယ်။ အပူချိန်လျှော့ချပေးတဲ့ Vapor Chamber Cooling System ထည့်ထားပါတယ်။
30W USB PD Fast Charging နဲ့ Qi Wireless Charging ထောက်ပံ့တဲ့ 5,000mAh Battery ပါလာပြီး Android 14 အခြေပြု OS မောင်းနှင်ထားပါတယ်။
ကင်မရာတွေကို အသားပေးထားတဲ့ ဖုန်း ဖြစ်ပြီး အနောက်ဘက်မှာ 48MP Main (OIS, EIS) , 12MP Ultrawide နဲ့ Telephoto ကင်မရာတွေ တပ်ဆင်ထားပါတယ်။ အရှေ့ဘက်မှာ 12MP ကင်မရာ ပါပါတယ်။ ကင်မရာက 4K 120Fps Video ရိုက်ကူးနိုင်ပါတယ်။
Xperia 1 VI ရဲ့ တန်ဖိုးအနည်းဆုံးမော်ဒယ်ကို ၁,၃၉၉ ယူရို သတ်မှတ်ထားပြီး ဇွန်လ အစောပိုင်းမှာ ရောင်းမှာပါ။ Black, Platinum Silver နဲ့ Khaki Green အရောင်တွေ ထုတ်လုပ်ထားပါတယ်။
Ref : gsmarena
