တောင်ကိုရီးယားနိုင်ငံဟာ ရာဇဝတ်မှုတွေကို တားဆီးကာကွယ်ဖို့အတွက် ဆိုးလ်မြို့မှာ လူအရွယ်အစားရှိတဲ့ ဟိုလိုဂရမ် ရဲအရာရှိတွေကို စတင်အသုံးပြုခဲ့ပါတယ်။ ဆိုးလ်မြို့တော်ရဲတပ်ဖွဲ့ဟာ အဲဒီ ဟိုလိုဂရမ်တွေကို Jung ခရိုင်ထဲက Jeo-dong 3 ပန်းခြံမှာ စမ်းသပ်အသုံးပြုနေပါတယ်။
အရပ် ၁၇၀ စင်တီမီတာလောက်ရှိပြီး ရဲယူနီဖောင်းဝတ်ဆင်ထားတဲ့ အဲဒီ ဟိုလိုဂရမ်တွေဟာ ညစဉ် ၇ နာရီကနေ ၁၀ နာရီအထိ ပေါ်လာပါတယ်။ သူတို့ဟာ CCTV ကင်မရာတွေက စောင့်ကြည့်နေကြောင်းနဲ့ ရဲတွေက အမြန်ဆုံး တုံ့ပြန်နိုင်ကြောင်း လာရောက်လည်ပတ်သူတွေကို သတိပေးတဲ့ အသံသွင်းထားတဲ့ မက်ဆေ့ခ်ျတွေကို ထုတ်လွှင့်ပေးပါတယ်။
အဲဒါတွေကို တပ်ဆင်ပြီးနောက်မှာ ပန်းခြံအနီးတဝိုက်က ရာဇဝတ်မှုတွေဟာ ၂၂ ရာခိုင်နှုန်းလောက် ကျဆင်းသွားခဲ့ပြီး ဒါကို ရဲတွေက သိသာတဲ့ တိုးတက်မှုတစ်ခုလို့ ဆိုပါတယ်။ အာဏာပိုင်တွေက အဲဒီ ဟိုလိုဂရမ်တွေကို “စမတ်ကျတဲ့ လုံခြုံရေးကိရိယာတွေ” လို့ ဖော်ပြပြီး တခြားနေရာတွေကိုပါ တိုးချဲ့အသုံးပြုဖို့ စဉ်းစားနေပါတယ်။
ဒါပေမဲ့ လူထုရဲ့ တုံ့ပြန်မှုတွေကတော့ အမျိုးမျိုးကွဲပြားနေပါတယ်။ တချို့က လုံခြုံရေးကို မြှင့်တင်ပေးနိုင်တဲ့ စမတ်ကျတဲ့ နည်းလမ်းတစ်ခုအဖြစ် မြင်ကြပေမယ့် တချို့ကတော့ လူတွေကို ထွက်ပြေးသွားအောင် ခြောက်လှန့်နိုင်တဲ့ သရဲပုံစံ စာခြောက်ရုပ်တွေနဲ့ တူတယ်လို့ နောက်ပြောင်ကြပါတယ်။
Ref : Technology Innovation
