Tesla ရဲ့ CEO Elon Musk က သူတို့ရဲ့ Full Self-Driving (FSD) စနစ်ဟာ လူမောင်းနှင်တာထက် ၁၀ ဆ ပိုမိုဘေးကင်းပြီး တစ်နှစ်ကို လူတစ်သန်းနီးပါး သေဆုံးနေရတဲ့ ကမ္ဘာလုံးဆိုင်ရာ ယာဉ်တိုက်မှု သေဆုံးနှုန်းကို ၉၀ ရာခိုင်နှုန်းအထိ လျှော့ချပေးနိုင်မယ်လို့ ပြောဆိုလိုက်ပါတယ်။ ဒါပေမဲ့ Tesla ဘက်ကတော့ ဒီပြောကြားချက်ကို ထောက်ခံပေးမယ့် အချက်အလက်တွေကို အတိအကျ ထုတ်ပြန်ခြင်း မရှိသေးပါဘူး။
ကျွမ်းကျင်သူတွေကတော့ Elon Musk ရဲ့ နှိုင်းယှဉ်ချက်တွေဟာ လမ်းအမျိုးအစား၊ ကားသက်တမ်းနဲ့ မောင်းနှင်သူရဲ့ အခြေအနေတွေအပေါ် မူတည်ပြီး ကွာခြားချက်တွေ ရှိနေတာကြောင့် မှားယွင်းနိုင်တယ်လို့ ဝေဖန်နေကြပါတယ်။ သီးခြား လွတ်လပ်တဲ့ လေ့လာဆန်းစစ်ချက်တွေအရလည်း Tesla ရဲ့ ဘေးကင်းမှုဟာ ၁၀ ဆအထိ သာလွန်နေတယ်ဆိုတာ သက်သေမပြနိုင်သေးသလို အဲဒီပမာဏထက် အများကြီး လျော့နည်းနေတာကို တွေ့ရပါတယ်။
တစ်ဖက်မှာလည်း FSD စနစ်ကြောင့် ယာဉ်တိုက်မှုတွေ ဖြစ်ပွားခဲ့ရသလို မောင်းနှင်သူတွေကို မှားယွင်းတဲ့ အချက်အလက်တွေ ပေးခဲ့တယ်ဆိုတဲ့ တရားစွဲဆိုမှုတွေနဲ့လည်း ရင်ဆိုင်နေရပါတယ်။ ဒါဟာ ဘေးကင်းမှုတွေ တိုးတက်လာတယ်ဆိုတဲ့ Elon Musk ရဲ့ ပြောဆိုချက်နဲ့ ဆန့်ကျင်ဘက် ဖြစ်နေပါတယ်။
Ref : Fossbytes
