တွစ်တာရဲ့ Security and Integrity အကြီးအကဲ Yoel Roth က တွစ်တာ ဝန်ထမ်းတွေရဲ့ လက်ရှိ အခြေအနေကို အတည်ပြုလာပါတယ်။ Elon Musk က တွစ်တာကို ဝယ်ယူပြီးနောက်မှာ တွစ်တာ ဝန်ထမ်းများစွာကို အလုပ်ထုတ်မယ်ဆိုတဲ့ သတင်းတွေထွက်လာပါတယ်။ အခုတော့ Yoel Roth က သောကြာနေ့မှာ ဝန်ထမ်း ၅၀ ရာခိုင်နှုန်း အလုပ်ပြုတ်သွားပြီလို့ အတည်ပြုလိုက်ပါတယ်။
သူက တွစ်တာမှာ “ သောကြာနေ့မှာ ဝန်ထမ်း များစွာကို အလုပ်ထုတ်ခဲ့ပြီး ၁၅ ရာခိုင်နှုန်းက Trust & Safety Organization က ဖြစ်ပါတယ်။ စုစုပေါင်း ၅၀ ရာခိုင်နှုန်းကို အလုပ်ထုတ်လိုက်တာပါ။ Moderation ဝန်ထမ်းတွေကို အလုပ်ထုတ်တာ အနည်းဆုံး ဖြစ်ပါတယ်။ Content Review Volume Team ရဲ့ ၈၀ ရာခိုင်နှုန်းလည်း အလုပ်မထုတ်ခံရပါဘူး။ အဲဒီအတွက် ကုမ္ပဏီရဲ့ အဓိက လုပ်ငန်းတွေကို မထိခိုက်ပါဘူး။ “ လို့ ရေးသားထားပါတယ်။
သောကြာနေ့က ဝန်ထမ်းများစွာကို အလုပ်ထုတ်လိုက်တဲ့အထဲမှာ တွစ်တာရဲ့ အဓိက အစိတ်အပိုင်းက လူများစွာ ပါလာခဲ့ပါတယ်။ အထိခိုက်ဆုံးက ထုတ်ကုန်နဲ့ အင်ဂျင်နီယာ ဌာန ဖြစ်ပြီး Infrastructure အဖွဲ့က ဝန်ထမ်းများစွာလည်း အလုပ်ထုတ်ခံလိုက်ရပါတယ်။ ဒေတာ စင်တာတွေကို မောင်းနှင်နေတဲ့ Corporate Communications အဖွဲ့က ဝန်ထမ်းများစွာလည်း အလုပ်ပြုတ်သွားပါတယ်။
တွစ်တာက အလုပ်ထုတ်ခံရတဲ့ ဝန်ထမ်းတွေကို နံနက် ၉ နာရီမှာ အကြောင်းကြားမယ်လို့ သောကြာနေ့မှာ အီးမေး ပို့ခဲ့ပါတယ်။ အလုပ်မထုတ်ခင်က တွစ်တာမှာ ဝန်ထမ်း ၇,၀၀၀ ကျော် ရှိပါတယ်။ အလုပ်မထုတ်ခံရတဲ့ ဝန်ထမ်းတွေကို တရားဝင် အီးမေး လိပ်စာကနေ အကြောင်းကြားမှာ ဖြစ်ပြီး အလုပ်ထုတ်ခံရတဲ့ ဝန်ထမ်းတွေကို Personal အီးမေး လိပ်စာကနေ အကြောင်းကြားမှာပါ။
Ref : gizchina
