လေယာဉ်မှူးတွေက လေကြောင်းထိန်းသိမ်းရေးစခန်းနဲ့ ဆက်သွယ်ပြောဆိုရာမှာ Starlink WiFi ဟာ အနှောင့်အယှက်ဖြစ်စေခဲ့တယ်လို့ ပြောပါတယ်။ ဒီဖြစ်ရပ်ကြောင့် United Airlines ဟာ သူတို့ရဲ့ Embraer E175 ဒေသတွင်းပြေးဆွဲတဲ့ လေယာဉ်တွေပေါ်က Starlink နည်းပညာသုံး Wi-Fi ကို ယာယီပိတ်လိုက်ပါတယ်။ ဒီပြဿနာဟာ အသစ်တပ်ဆင်ထားတဲ့ Starlink အင်တင်နာတွေကြောင့် ဖြစ်တာလို့ အတည်ပြုထားပါတယ်။
လေကြောင်းလိုင်းဘက်ကတော့ ဒီလိုဆက်သွယ်ရေး ပြတ်တောက်တာဟာ ခရီးသည် ဘေးကင်းလုံခြုံရေးအတွက် အန္တရာယ်မဟုတ်ဘူးလို့ အခိုင်အမာ ပြောဆိုထားပါတယ်။ ဒါ့အပြင် ဒီပြဿနာကိုဖြေရှင်းဖို့ SpaceX ကုမ္ပဏီနဲ့ အနီးကပ်ပူးပေါင်းဆောင်ရွက်နေပြီး လေယာဉ်ပေါ်မှာ အင်တာနက်ချိတ်ဆက်မှုစနစ်အသစ်တွေ စတင်တပ်ဆင်ချိန်မှာ ဒီလိုအစပိုင်းမှာကြုံရတတ်တဲ့ ပြဿနာလေးတွေက “ဖြစ်လေ့ဖြစ်ထရှိတယ်” လို့လည်း ဆိုပါတယ်။
ဒီအဖြစ်အပျက်ကြောင့် ဒေသတွင်း ပြေးဆွဲတဲ့လေယာဉ်ငယ်တွေမှာ ဂြိုလ်တုအခြေပြုအင်တာနက်စနစ်ကို ပေါင်းစပ်ထည့်သွင်းဖို့အတွက် နည်းပညာပိုင်းဆိုင်ရာ စိုးရိမ်မှုတွေလည်း ထွက်ပေါ်လာခဲ့ပါတယ်။
Ref : Fossbytes
