Tesla ကားက ဝယ်ယူထားတဲ့ ပိုင်ရှင်အသစ် နေအိမ်ဆီကို အလိုအလျှောက်မောင်းသွားပါတယ်။ ဒါဟာ ကမ္ဘာမှာ ပထမဆုံးပါပဲ။ အဲဒီကားက သူ့ရဲ့ ပိုင်ရှင်အသစ်ဆီကို သူ့ဘာသာသူ မောင်းသွားခဲ့တာပါ။ ကိုယ်တိုင်မောင်း Tesla Model Y ကားက တက္ကဆက်ပြည်နယ်၊ အော်စတင်မြို့မှာရှိတဲ့ ကုမ္ပဏီရဲ့ Gigafactory စက်ရုံကနေ မိနစ် ၃၀ လောက်ဝေးတဲ့ ဝယ်သူရဲ့အိမ်ကို ခရီးနှင်ခဲ့တာ ဖြစ်ပါတယ်။ အဲဒီခရီးမှာ အဝေးပြေးလမ်းတွေ၊ လမ်းဆုံလမ်းခွတွေ၊ ယာဉ်ကြောမီးပွိုင့်တွေနဲ့ မြို့တွင်းလမ်းတွေကို လုံးဝ သူ့ဘာသာသူ မောင်းနှင်သွားခဲ့ပါတယ်။
World's first autonomous delivery of a car!
This Tesla drove itself from Gigafactory Texas to its new owner's home ~30min away — crossing parking lots, highways & the city to reach its new owner pic.twitter.com/WFSIaEU6Oq
— Tesla (@Tesla) June 28, 2025
ဒီသမိုင်းဝင်ဖြစ်ရပ်ကို အွန်လိုင်းမှာ ကျယ်ကျယ်ပြန့်ပြန့် မျှဝေခဲ့ကြပါတယ်။ Tesla က အစပိုင်းမှာ သုံးမိနစ်စာ time-lapse ဗီဒီယိုအတိုလေးကို အရင်ထုတ်ပြန်ခဲ့ပြီး စနေနေ့မှာတော့ မိနစ် ၃၀ အပြည့် ဗီဒီယိုကို ထပ်မံထုတ်ပြန်ခဲ့ပါတယ်။
There were no people in the car at all and no remote operators in control at any point. FULLY autonomous!
To the best of our knowledge, this is the first fully autonomous drive with no people in the car or remotely operating the car on a public highway.
— Elon Musk (@elonmusk) June 27, 2025
ဗီဒီယိုမှတ်တမ်းမှာ Model Y ကားက ယာဉ်မောင်းနေရာမှာ ဘယ်သူမှမပါဘဲ Gigafactory ကားဂိုဒေါင်ကနေ ထွက်ခွာလာတာကို ပြသထားပါတယ်။
ကားနောက်ခန်းကနေ ရိုက်ကူးထားတဲ့ အဲဒီဗီဒီယိုမှာ ကားက လမ်းတွေပေါ်မှာ ကျွမ်းကျွမ်းကျင်ကျင် မောင်းနှင်တာ၊ ကွေ့တာ၊ ရပ်နားဆိုင်းဘုတ်တွေကို လိုက်နာတာ၊ မီးနီမှာ ရပ်ပေးတာနဲ့ တကယ့်ယာဉ်ကြောအခြေအနေတွေကို လူရဲ့ထိန်းချုပ်မှု လုံးဝမပါဘဲ ကိုင်တွယ်ဖြေရှင်းသွားတာကို မှတ်တမ်းတင်ထားပါတယ်။
ခရီးဆုံးမှာ Model Y ကားက ပိုင်ရှင်ရဲ့တိုက်အောက်မှာ သူ့ဘာသာသူ ကားထိုးရပ်နားခဲ့ပါတယ်။
Tesla ရဲ့ CEO အီလွန်မက်စ်က အဲဒီဗီဒီယိုကို X မှာ “Kapow” ဆိုတဲ့ စကားလုံးတစ်လုံးတည်းနဲ့ ပြန်လည်မျှဝေခဲ့ပါတယ်။
Tesla ရဲ့ AI နဲ့ Autopilot ဌာနအကြီးအကဲ Ashok Elluswamy က ခရီးစဉ်အတွင်းမှာ ကားက တစ်နာရီကို ၁၁၅ ကီလိုမီတာအထိ အမြန်နှုန်းနဲ့ မောင်းနှင်ခဲ့တယ်လို့ အတည်ပြုခဲ့ပါတယ်။
“စက်ရုံကနေ မြို့တစ်ဖက်က ဝယ်သူရဲ့အိမ်အထိ အဝေးပြေးလမ်းတွေအပါအဝင် Tesla Model Y ကားတစ်စီးကို ပထမဆုံးအကြိမ် လုံးဝကိုယ်တိုင်မောင်းပြီး ပို့ဆောင်ပေးတာကို သတ်မှတ်ရက်ထက် တစ်ရက်စောပြီး အခုပဲ အောင်မြင်သွားပါပြီ!!” လို့ အီလွန်မက်စ်က X မှာ ရေးသားခဲ့ပါတယ်။
နောက်ထပ်ပို့စ်တစ်ခုမှာ သူက “ကားထဲမှာ လူတစ်ယောက်မှ မရှိခဲ့သလို အဝေးထိန်းစနစ်နဲ့ ထိန်းချုပ်သူလည်း မရှိခဲ့ပါဘူး။ လုံးဝ ကိုယ်တိုင်မောင်းစနစ်ပါ!” လို့ ရေးခဲ့ပါတယ်။ သူက “ကျွန်တော်တို့ သိသလောက်တော့ ဒါဟာ ကားထဲမှာ လူမပါဘဲ ဒါမှမဟုတ် အဝေးကနေမထိန်းချုပ်ဘဲ အများပြည်သူသုံး အဝေးပြေးလမ်းမပေါ်မှာ ပထမဆုံးအကြိမ် လုံးဝကိုယ်တိုင်မောင်းနှင်မှု ဖြစ်ပါတယ်” လို့ ထပ်လောင်းပြောကြားခဲ့ပါတယ်။
Ref : ndtv
