ဗီယက်နမ်နိုင်ငံသည် ဒရုန်းအစင်းရေ ၁၀,၅၁၈ စင်းကို တစ်ပြိုင်နက်တည်း ပျံသန်းပြသစေသည့် ဒရုန်း မီးအလှပြပွဲဖြင့် ဂင်းနစ်ကမ္ဘာ့စံချိန်သစ်တစ်ရပ် တင်ရှိနိုင်ခဲ့ကြောင်း သိရသည်။
အဆိုပါ စံချိန်တင်လေ့ကျင့်ပျံသန်းမှုကို တောင်ပိုင်းလွတ်မြောက်ရေးနှင့် အမျိုးသားပြန်လည်ပေါင်းစည်းရေး နှစ် ၅၀ ပြည့် အထိမ်းအမှတ်အဖြစ် ဧပြီလ ၂၈ ရက်၊ ၂၀၂၅ ခုနှစ်တွင် ဟိုချီမင်းမြို့၌ ပြုလုပ်ခဲ့ခြင်းဖြစ်သည်။
ဤပွဲကို ဟိုချီမင်းမြို့တော် ယဉ်ကျေးမှုဦးစီးဌာနက တရုတ်နိုင်ငံ၏ ဒရုန်းကုမ္ပဏီ DAMODA ၏ ပံ့ပိုးမှုဖြင့် စီစဉ်ခဲ့ခြင်းဖြစ်သည်။ ဧပြီလ ၃၀ ရက်နေ့တွင် ပြည်သူလူထုအတွက် ပြုလုပ်ရန် စီစဉ်ထားသည့် ပင်မပြပွဲမှာ နည်းပညာပိုင်းဆိုင်ရာ ပြဿနာများကြောင့် ဖျက်သိမ်းခဲ့ရသော်လည်း၊ လေ့ကျင့်ပျံသန်းမှုတစ်ခုတည်းဖြင့်ပင် ကမ္ဘာ့စံချိန်တင်နိုင်ရန် လုံလောက်ခဲ့ကြောင်း သိရသည်။
အဆိုပါဒရုန်းများသည် ဗီယက်နမ်နိုင်ငံ၏ အမျိုးသားရေးဆိုင်ရာ အမှတ်တံဆိပ်များ၊ သမိုင်းဝင်ဖြစ်စဉ်များနှင့် မြို့တော်ရှုခင်းများကို ရင်သပ်ရှုမောဖွယ် ရုပ်ပုံများအဖြစ် ကောင်းကင်ယံတွင် ထွန်းလင်းပြသခဲ့ကြသည်။
Ref : Tech Explorers
