5G Chipset ၊ 512GB Storage နဲ့ 5,000mAh Battery ပါတဲ့ vivo Y100i ကို တရုတ်မှာ ကြေညာလိုက်ပါတယ်။ တရုတ်မှာ ဒီဇင်ဘာလ ၂ ရက်နေ့က စတင်ရောင်းချပေးလိုက်ပါပြီ။ ၁,၅၉၉ ယွမ် သတ်မှတ်ထားပြီး ၂၂၅ ဒေါ်လာ ဝန်းကျင်ကျသင့်ပါတယ်။ vivo Y100 ထက် ဈေးသက်သာပြီး မျက်နှာပြင် အပိုင်းမှာ လျှော့ချထားပါတယ်။
vivo Y100i မှာ 6.64” LCD မျက်နှာပြင်ပြား တပ်ဆင်ထားပြီး Full HD+ Resolution ပါပါတယ်။ Punch Hole မှာ ဆဲလ်ဖီး ကင်မရာ တပ်ဆင်ထားပါတယ်။ ညာဘက်ခြမ်းက ပါဝါခလုတ်အောက်မှာ လက်ဗွေရာ ကိရိယာမြှပ်နှံထားပါတယ်။
vivo Y100i မှာ Dimensity 6020 Chipset မောင်းနှင်ထားပါတယ်။ 7nm နည်းပညာနဲ့ တည်ဆောက်ထားပြီး 2.2GHz Performance Core ၂ လုံးနဲ့ 2.0GHz Efficiency Core ၆ လုံး ပါပါတယ်။ 12GB RAM နဲ့ 512GB Storage ထည့်သွင်းထားပါတယ်။
အနောက်ဘက်မှာ 50MP , 2MP ကင်မရာ ၂ လုံးနဲ့ အရှေ့ဘက်မှာ 8MP ကင်မရာ ၁ လုံး တပ်ဆင်ထားပါတယ်။ 44W Fast Charging ထောက်ပံ့တဲ့ 5,000mAh Battery ထည့်သွင်းထားပြီး Android 13 အခြေပြု OriginOS 3 မောင်းနှင်ထားပါတယ်။ နားကြပ်ပေါက် တပ်ဆင်ထားပြီး Dual Nano SIM Slot ပါပါတယ်။
vivo Y100i အတွက် Pink, Blue နဲ့ Black အရောင်တွေ ထုတ်လုပ်ထားပြီး တရုတ် ပြင်ပမှာ ရောင်းချမယ့် သတင်းကို မသိရသေးပါဘူး။
Ref : gsmarena
