ကမ္ဘာ့အဆင့်အမြင့်ဆုံး စစ်တုရင်ကစားသမားဖြစ်တဲ့ `Magnus Carlsen` (`FIDE` အဆင့်သတ်မှတ်ချက် ၂၈၃၉) ဟာ `ChatGPT` ကို အွန်လိုင်းပွဲစဉ်တစ်ခုမှာ ရွှေ့ကွက် ၅၃ ကွက်အတွင်းမှာပဲ သူ့ဘက်က စစ်တုရင်ရုပ် တစ်ရုပ်မှ မဆုံးရှုံးဘဲ အနိုင်ရရှိခဲ့ပါတယ်။ `ChatGPT` ကတော့ သူ့ရဲ့ နယ်ရုပ်တွေအားလုံး ဆုံးရှုံးပြီး အရှုံးပေးခဲ့ပါတယ်။
နော်ဝေနိုင်ငံသား ဂရင်းမာစတာဟာ `ChatGPT` က သူ့ရဲ့ကစားဟန်ကို “စနစ်ကျတယ်၊ သေသပ်တယ်၊ ထက်မြက်တယ်” ဆိုပြီး ချီးကျူးထားတဲ့ screenshot တွေကို မျှဝေခဲ့ပါတယ်။
`ChatGPT` က `Carlsen` ရဲ့ ကစားနိုင်စွမ်းကို အဆင့် ၁၈၀၀-၂၀၀၀ လောက်ပဲရှိတယ်လို့ ခန့်မှန်းခဲ့ပြီး ဒါဟာ သူ့ရဲ့ တကယ့် ကမ္ဘာ့ထိပ်တန်းအဆင့် ၂၈၃၉ ထက် အများကြီး နိမ့်ကျနေပါတယ်။
ကမ္ဘာ့ချန်ပီယံဆု ၅ ကြိမ် ရရှိထားပြီး သမိုင်းတစ်လျှောက် အကောင်းဆုံး စစ်တုရင်ကစားသမားအဖြစ် သတ်မှတ်ခံထားရတဲ့ `Carlsen` က “ခရီးသွားရင်း ပျင်းနေလို့” ကစားခဲ့တာဖြစ်တယ်လို့ ပြောပါတယ်။
အသက် ၃၄ နှစ်အရွယ်ရှိတဲ့ သူဟာ မကြာသေးခင်က `Vegas` မှာ အသက် ၁၉ နှစ်အရွယ် အိန္ဒိယဂရင်းမာစတာ `Rameshbabu Praggnanandhaa` ကို ရှုံးနိမ့်ခဲ့ပါတယ်။
Ref : Fossbytes
