Xiaomi ဟာ စွမ်းဆောင်ရည်မြင့် Xiaomi 12 , 12 Pro နဲ့ 12X တို့ကို ကြေညာပြီးပြီ ဖြစ်ပေမယ့် Xiaomi 12 Ultra နဲ့ 12 Lite တို့ ကျန်နေပါသေးတယ်။ Xiaomi 12 Lite ရဲ့ ဓါတ်ပုံတွေ အရင်က ပေါက်ကြားခဲ့ဖူးပြီး မျက်နှာပြင်ကွေး တပ်ဆင်ထားပါတယ်။
အခုတော့ Xiaomi 12 Lite ရဲ့ Specs အပြည့်အစုံ ပေါက်ကြားလာပြီး ၆.၅၅ လက်မ FHD+ မျက်နှာပြင် တပ်ဆင်ထားမှာ ဖြစ်ကာ AMOLED အမျိုးအစား ဖြစ်ပါတယ်။ 120Hz Refresh Rate ထောက်ပံ့ထားတဲ့အတွက် မျက်နှာပြင် တုန့်ပြန်မှု လျှင်မြန်ကာ ဂိမ်း ကစားရင် တော်တော် ကောင်းမှာပါ။ 67W Fast Charging ထောက်ပံ့တဲ့ 4,500mAh ဘက်ထရီ ထည့်သွင်းထားမှာ ဖြစ်ပါတယ်။
Xiaomi 12 Lite နဲ့ အရင်နှစ်ထုတ် Xiaomi 11 Lite 5G NE တို့ရဲ့ တူညီတဲ့ အချက်က Snapdragon 778G Chipset ကို သုံးထားတာ ဖြစ်ပြီး 6/8GB RAM , 128/256GB Storage တို့ ထည့်သွင်းထားပါတယ်။ 64MP Main ကင်မရာမှာ OIS ထောက်ပံ့ထားပြီး 8MP Ultrawide , 5MP Macro ကင်မရာတွေနဲ့ အားဖြည့်ထားမှာ ဖြစ်ပါတယ်။
လက်ဗွေရာ အာရုံခံ ကိရိယာကို မျက်နှာပြင်အောက်မှာ မြှပ်နှံထားပြီး ဆဲလ်ဖီး ကင်မရာက 16MP ဖြစ်ပါတယ်။ Android 12 အခြေပြု MIUI 13 မောင်းနှင်ထားမယ်လို့ သတင်းထွက်နေပါတယ်။
Ref : gsmarena
