တရုတ် နည်းပညာ ဘီလူးကြီး Xiaomi ရဲ့ ပထမဆုံး SU7 လျှပ်စစ်ကားဟာ တော်တော်အောင်မြင်နေပါတယ်။ ကုမ္ပဏီဟာ ဒုတိယမြောက် လျှပ်စစ်ကားကိုတောင် ဖန်တီးနေပြီလို့ အရင်က သတင်းထွက်ခဲ့ပါတယ်။ ကုမ္ပဏီဟာ အရွယ်အစားကျစ်လစ်တဲ့ SUV လျှပ်စစ်ကားကို ဖန်တီးနေတယ်လို့ သတင်းများစွာက ပြောပါတယ်။ အခုတော့ Bloomberg ကလည်း အဲဒီကားအကြောင်း သတင်းပေးလာပါတယ်။
Bloomberg က Xiaomi ဟာ Tesla Model Y ကို ယှဉ်ပြိုင်မယ့် အရွယ်အား ကျစ်လစ်တဲ့ SUV ကို ဖန်တီးနေတယ်လို့ ပြောပါတယ်။ တခြားသတင်းတွေကလည်း အဲဒီလိုပဲ ပြောလာကြပါတယ်။ ကားရဲ့ Specification , Battery နဲ့ နည်းပညာအကြောင်းကိုတော့ မသိရသေးပါဘူး။ Xiaomi ရဲ့ ကားအသစ်မှာ SU7 ရဲ့ Infotainment System အပါအဝင် အကောင်းဆုံး နည်းပညာတွေ ပါလာနိုင်ပါတယ်။
Xiaomi ဟာ လျှပ်စစ်ကား နယ်ပယ်မှာ ထိပ်တန်းရောက်အောင် ကြိုးစားနေပြီး ဒုတိယမြောက်ကားကြောင့် ပိုမိုအောင်မြင်လာနိုင်ပါတယ်။ အဲဒီကားကို အစောဆုံး အနေနဲ့ ၂၀၂၅ ခုနှစ်မှာ ရောင်းချနိုင်ပါတယ်။ ဒါပေမယ့် Xiaomi ဟာ လက်ရှိ ၁ လကို ကား ၁၀,၀၀၀ ပဲ ထုတ်လုပ်နိုင်တဲ့ စက်ရုံကို တိုးချဲ့နိုင်မယ်လို့ မျှော်လင့်ရပါတယ်။ Xiaomi ဟာ ၁ နှစ်ကို ကား ၃၀၀,၀၀၀ အထိ ထုတ်လုပ်နိုင်ဖို့ စီစဉ်နေပါတယ်။
Ref : gizmochina
