ZTE ဟာ စက်တင်ဘာလမှာ မျက်နှာပြင်အောက် ဆဲလ်ဖီး ကင်မရာ ပါတဲ့ ကမ္ဘာ့ ပထမဆုံး ဖုန်း Axon 20 5G ကို ကြေညာပြီးတော့ သတင်းခေါင်းစီးတွေမှာ နေရာယူနိုင်ခဲ့ပါတယ်။ အခုတော့ ZTE က Axon 20 5G Extreme Edition ကို ကြေညာလိုက်ပြီး 12GB RAM ၊ လိမ္မော်ရောင် သားရေအတု အနောက်ဘက် ဒီဇိုင်းတွေနဲ့ အဆင့်မြှင့်ထားပါတယ်။
အဲဒီ ပြောင်းလဲမှု ၂ ခုကလွဲကာ ကျန်တဲ့ အစိတ်အပိုင်းတွေက မူလ Axon 20 5G နဲ့တူညီပါတယ်။ ZTE Axon 20 5G Extreme Edition မှာ ၆.၉၂ လက်မ OLED FHD+ မျက်နှာပြင်နဲ့ 90Hz Refresh Rate ပါလာပါတယ်။ မျက်နှာပြင်အောက် ကင်မရာ အပြင် အောက်ခြေနားမှာ မျက်နှာပြင်အောက် လက်ဗွေရာ ကိရိယာ မြှပ်နှံထားပါတယ်။
စွမ်းရည်သင့် Snapdragon 765G Chipset မောင်းနှင်ထားပြီး 12GB RAM နဲ့ အဆင့်မြှင့်ထားပါတယ်။ မူလ မော်ဒယ်မှာတော့ 6/8GB RAM ပဲ ထည့်ထားတာပါ။ မော်ဒယ် အသစ်မှာ 256GB Storage ပါလာပါတယ်။ အနောက်ဘက်မှာ 64MP Main , 8MP Ultrawide , 2MP Macro နဲ့ 2MP Depth ကင်မရာ ၄ လုံး ထောက်ပံ့ထားပြီး 30W Charging ပါတဲ့ 4,220mAh ဘက်ထရီ ပါလာပါတယ်။ ဆော့ဖ်ဝဲ အပိုင်းကို ပြောရရင် Android 10 အခြေပြု ZTE Mifavor 10.5 မောင်းနှင်ထားပါတယ်။
ZTE Axon 20 5G Extreme Edition ကို ၃,၄၉၈ ယွမ် သတ်မှတ်ထားပြီး ရောင်းမယ့် အချိန်ကို မသိရသေးပါဘူး။ မြန်မာငွေနဲ့တွက်ရင် ၇ သိန်းလောက် ကျသင့်မှာပါ။
Ref : gsmarena
