Xiaomi ဟာ အရင်နှစ် ဒီဇင်ဘာလက Mi Watch Color ကို ကြေညာခဲ့ပြီး အခုတော့ တရုတ်မှာ Mi Watch Color Sports Edition ကို ချပြလိုက်ပါတယ်။ Mi Watch Color Sports Edition ကို ၆၉၉ ယွမ် သတ်မှတ်ထားပြီး ၁ သိန်း ၃ သောင်းလောက်ကျသင့်ပါတယ်။ ကြိုတင်မှာယူနိုင်ပြီ ဖြစ်ပြီး နိုဝင်ဘာလ ၁ ရက်နေ့ ပို့ဆောင်ပေးမှာပါ။
Mi Watch Color Sports Edition ရဲ့ အမိုက်စား လုပ်ဆောင်ချက်က သွေးတွင်း အောက်ဆီဂျင် ပမာဏကို တိုင်းတာပေးတာ ဖြစ်ပြီး ကိုဗစ်ကာလမှာ အရမ်းကို အသုံးဝင်ပါတယ်။ အရင်နှစ်ထုတ် မော်ဒယ်မှာတော့ ဒီလုပ်ဆောင်ချက် မပါပါဘူး။
စမတ်နာရီမှာ ၁.၃၉ လက်မ HD AMOLED မျက်နှာပြင် ထည့်သွင်းထားပြီး Always-on Mode ပါပါတယ်။ Watch Faces ပေါင်း ၁၂၀ လောက်ပါတဲ့အတွက် စိတ်ကြိုက်ရွေးချယ် သုံးနိုင်ပါတယ်။ Sports Mode ပေါင်း ၁၁၇ ခု ပါတဲ့အတွက် အားကစားသမားတွေနဲ့ ကျန်းမာရေး လိုက်စားသူတွေအတွက် မိုက်ပါတယ်။
နှလုံးခုန်နှုန်း တိုင်းတာပေးနိုင်ပြီး စွမ်းရည်မြင့် GPS Chip က လှုပ်ရှားမှုကို ကောင်းကောင်း ခြေရာခံနိုင်ပါတယ်။ Bluetooth 5.0 နဲ့ NFC တွေ ထောက်ပံ့ထားပြီး 420mAh ဘက်ထရီ ပါလာပါတယ်။ ဘက်ထရီ သက်တမ်း ၁၆ ရက်ခံတယ်လို့ Xiaomi က ပြောပါတယ်။ အနက်၊ အပြာနဲ့ အဖြူရောင် ထုတ်လုပ်ထားပြီး လက်ပတ်ကြိုးအတွက် ၆ ရောင် ရွေးနိုင်ပါတယ်။
Ref : gizmochina
