Samsung Galaxy M52 5G ကို Bluetooth SIG မှာ မှတ်ပုံတင်လိုက်ပြီ ဖြစ်တဲ့အတွက် ကြေညာဖို့ နီးလာပါပြီ။ Bluetooth SIG Website မှာ Galaxy M52 5G ရဲ့ မော်ဒယ်နံပါတ် ၂ ခုကို ဖော်ပြထားပြီး SM-M526B_DS နဲ့ SM-M526BR_DS တို့ ဖြစ်ကြပါတယ်။ အဲဒီမှာ Galaxy M52 5G အတွက် Bluetooth 5.0 ဆက်သွယ်မှု ထည့်သွင်းပေးထားမယ် ဆိုတာကလွဲပြီး တခြား သတင်းအချက်အလက်တွေကို ဘာမှ မတွေ့ရပါဘူး။ ဒါပေမယ့် အရင်က ပေါက်ကြားခဲ့တဲ့ သတင်းတွေအရ အဲဒီ စမတ်ဖုန်းမှာ Snapdragon 778G SoC မောင်းနှင်ထားမှာ ဖြစ်ပြီး 6GB/8GB RAM နဲ့ 128GB Storage ပါလာမယ်လို့ သိရပါတယ်။
Software အကြောင်းပြောရရင် Galaxy M52 5G မှာ Android 11 အခြေပြု One UI 3.1 နဲ့ Knox 3.7 Security Suite တွေ ထည့်သွင်းထားနိုင်ပါတယ်။ ၆.၇ လက်မ FullHD+ Super AMOLED မျက်နှာပြင်နဲ့ အရွယ်ကြီး 5,000mAh ဘက်ထရီ ပါလာနိုင်ပါတယ်။ ဘူးထဲမှာ 15W Charger ထည့်သွင်းထားမယ်လို့ သိရပါတယ်။
Galaxy M52 5G မှာ 32MP ဆဲလ်ဖီး ကင်မရာ ၁ လုံးနဲ့ 64MP Main, 12MP Ultrawide , 5MP Depth အနောက်ကင်မရာ ၃ လုံး တပ်ဆင်ထားနိုင်ပါတယ်။ 5MP Macro ကင်မရာ ၁ လုံး ပါလာမယ်လို့လည်း တချို့ သတင်းတွေက ဆိုကြပါတယ်။
Samsung က Galaxy M52 5G အကြောင်း ဘာမှ မပြောသေးဘဲ ရေငုံနှုတ်ပိတ်နေနေပါသေးတယ်။ ဒါပေမယ့် အာဏာပိုင် အဖွဲ့အစည်းများစွာမှာ မှတ်ပုံတင်ထားပြီးပြီ ဖြစ်တဲ့အတွက် ကြေညာဖို့ နီးသထက်နီးလာပါပြီ။
Ref : gsmarena
