Ubisoft က နောက်ထွက်မယ့် အဖွဲ့လိုက်တိုက်ခိုက်ရေး ဂိမ်းအတွက် သတင်းစကားတချို့ကို မျှဝေလိုက်ပါတယ်။ အဲဒါကတော့ NFT တွေကို အဲဒီ ဂိမ်းမှာ ထည့်သွင်းထားမှာ မဟုတ်ဘူး ဆိုတာ ပါပဲ။ Leaker တွေက လျှို့ဝှက်နာမည် Project Q လို့ ပေးထားတဲ့ အဲဒီ ဂိမ်းရဲ့ Footage တွေကို မျှဝေပြီးနောက်မှာ Unisoft က တွစ်တာမှာ အခု သတင်းစကားတွေကို မျှဝေလိုက်တာပါ။
So, we heard you heard… 🤷
Introducing codename “Project Q”, a team battle arena letting players truly own the experience! The game is in early development and we will keep testing, so for now all you can do is register for upcoming tests: https://t.co/TMRKwiUzbJ pic.twitter.com/hZ40OkPdum
— Ubisoft (@Ubisoft) April 23, 2022
Ubisoft က “ အဲဒီ ဂိမ်းမှာ PvP Mode များစွာ ထည့်သွင်းထားမှာ ဖြစ်ပါတယ်။ NFT တွေ ထည့်သွင်းဖို့ အစီအစဉ် မရှိသေးဘဲ စမ်းသပ် ကစားဖို့အတွက် စာရင်းပေးသွင်းထားနိုင်ပါတယ်။ “ လို့ တွစ်တာမှာ ရေးသားထားပါတယ်။
Xbox Series X / S, Xbox One, PS5, PS4 နဲ့ PC မှာ စမ်းသပ်ကစားဖို့အတွက် Ubisoft ရဲ့ ဝက်ဘ်ဆိုက်မှာ စာရင်းပေးသွင်းထားနိုင်ပါတယ်။ စမ်းသပ် ကစားနိုင်မယ့် အချိန်နဲ့ နောက်ဆုံးထုတ် ဗားရှင်းကို အခမဲ့ ကစားနိုင်မလား ဆိုတာ မသိရသေးပါဘူး။
ဗီဒီယို ဂိမ်း Leaker Tom Henderson တင်ထားတဲ့ Project Q Footage အရ လက်ရှိမှာ Showdown (Battle Royale) နဲ့ Battle Zone (Territory Control) စတဲ့ Mode ၂ ခု ပါလာမှာ ဖြစ်ပါတယ်။ အဲဒီ ဂိမ်းကို ဖန်တီးနေဆဲ အဆင့်မှာပဲ ရှိသေးတဲ့အတွက် ပြောင်းလဲမှုတွေ ဖြစ်လာနိုင်ပါတယ်။
Ref : theverge
