Xiaomi က 12 Lite အတွက် အရောင် ၄ ရောင် ထုတ်လုပ်ထားမယ်ဆိုတာ အတည်ပြုလိုက်ပြီ

Xiaomi 12 Lite ကို မကြာခင် ကြေညာတော့မှာ ဖြစ်ပြီး အဲဒီ စမတ်ဖုန်းကို တကယ်ဖန်တီးနေတဲ့ အကြောင်း အခုတော့ သိလာခဲ့ရပါပြီ။ Xiaomi က တွစ်တာမှာ 12 Lite အတွက် အရောင်များစွာ ထုတ်လုပ်ထားမယ့်အကြောင်းကို အသိပေးလိုက်ပါတယ်။ အဲဒီ အရောင်တွေက Green , Purple, Pink နဲ့ Silver တို့ ဖြစ်ကြပါတယ်။

Xiaomi က တွစ်တာမှာ သင့်ရဲ့ စတိုင်နဲ့ လိုက်ဖက်ညီအောင် အရောင်များစွာ ထုတ်လုပ်ထားမယ်လို့ ရေးသားထားပြီး ပေါ့ပါး ပါးလွှာတဲ့ ဒီဇိုင်းကို အသုံးပြုထားမှာ ဖြစ်ပါတယ်။ ဒါပေမယ့် Xiaomi က 12 Lite ရဲ့ Specifications တွေကို အရိပ်အမြွက်တောင် မပြောကြားသေးပါဘူး။

Orange Spain က တင်ထားတဲ့ စာရင်းအရ Xiaomi 12 Lite မှာ Snapdragon 778G Chipset မောင်းနှင်ထားမှာ ဖြစ်ပြီး 4,500mAh ဘက်ထရီ တပ်ဆင်ထားမှာ ဖြစ်ပါတယ်။ 67W Fast Charging ထောက်ပံ့ထားမှာ ဖြစ်ပြီး အနောက်ကင်မရာ ၃ လုံးထဲမှာ 108MP ပင်မ ကင်မရာ ပါလာမှာ ဖြစ်ပါတယ်။

Xiaomi က 12 Lite ကို ကြေညာမယ့် နေ့ကို မပြောသေးပေမယ့် Teaser တွေကို စတင် မျှဝေနေပြီ ဖြစ်တဲ့အတွက် ကြေညာဖို့ နီးနေပါပြီ။

Ref : gsmarena