Blockchain ဒေတာ အဖွဲ့အစည်း Nansen က ထုတ်ပြန်တဲ့ ဈေးကွက် သုတေသန စစ်တမ်းအသစ်အရ Crypto User တွေဟာ ၂၀၂၂ ခုနှစ် ပထမနှစ်ဝက်အတွင်း Ethereum Blockchain မှာ 963,227 ETH(ဒေါ်လာ ၂.၇ ဘီလီယမ်) ဖိုး NFT တွေကို Mint ပြုလုပ်ခဲ့တယ်လို့ သိရပါတယ်။ အများစုက OpenSea.io မှာ ဖြစ်ပါတယ်။
အဲဒီကာလအတွင်း Mint လုပ်ရာမှာ Ethereum က မတူညီတဲ့ Wallet Address ပေါင်း ၁.၀၈၈ သန်း ပါဝင်တယ်လို့ Nansen က ပြောပါတယ်။ နှိုင်းယှဉ်ရရင် ဒေါ်လာ ၁၀၇ သန်း တန်ကြေးရှိ NFT တွေကို BNB Chain နဲ့ ဒေါ်လာ ၇၇ သန်း တန်ကြေးရှိ NFT တွေကို Avalanche မှာ Mint လုပ်ခဲ့ကြပါတယ်။ အဲဒီ Blockchain ၂ ခုမှာ NFT Minting လုပ်ရာမှာ မတူညီတဲ့ Wallet Address ပေါင်း ၂၆၃,၈၀၀ ပါဝင်ခဲ့ပါတယ်။
မေလ ၁ လထဲမှာတင် NFT Collection ပေါင်း ၆၉ ခု မိတ်ဆက်ခဲ့ပြီး နေ့စဉ် Mint လုပ်တဲ့ ပမာဏဟာ 120,000 ETH ကျော်ပါတယ်။ ၂၀၂၂ ခုနှစ် ပထမနှစ်ဝက်အတွင်း Ethereum မှာ Mint လုပ်တဲ့ NFT Collection စုစုပေါင်းဟာ ၂၈,၉၈၆ ဖြစ်ပါတယ်။ NFT Collection တွေရဲ့ ၃ ပုံပုံ ၂ ပုံကို 5 ETH အောက်နဲ့ ရောင်းခဲ့ပေမယ့် Collection ၁၄၀ ကို 1,000 ETH ကျော်နဲ့ ရောင်းချခဲ့ပါတယ်။
Ethereum က ထိပ်တန်း NFT Collection ၅ ခုဟာ စုစုပေါင်း Mint လုပ်မှုရဲ့ ၈.၄ ရာခိုင်နှုန်း ရှိပြီး အဲဒီအထဲမှာ Pixelmon-Generation 1, Moonbirds, VeeFriends Series 2, Genesis Box နဲ့ World of Women Galaxy တို့ ပါပါတယ်။
Ref : cointelegraph
