ဂျပန် ကုမ္ပဏီ ၂ ခုက ကောင်းကင်မှာ ပျံသန်း ၊ ရေပြင်မှာ မောင်းနှင်နိုင်တဲ့ ဒရုန်းကို ပူးပေါင်းတီထွင်လိုက်ပါတယ်။ Penta Ocean Construction နဲ့ Prodrone Co. Ltd တို့ ပူးပေါင်း ထုတ်လုပ်ထားတာ ဖြစ်ပြီး ပင်လယ်ပြင်မှာ သုတေသန လုပ်ငန်းတွေ လုပ်ဆောင်ဖို့ ရည်ရွယ်ထားပါတယ်။ ဒရုန်းရဲ့ အမည်က Penta-Ocean Vanguard-DroneAqua (POV-DA) ဖြစ်ပါတယ်။
မြင့်မားတဲ့ စွမ်းရည်ပါတဲ့ ပင်လယ်ပြင် သုတေသန ဒရုန်း ဖြစ်ပါတယ်။ အလွန် တိကျတဲ့ GNSS ဂြိုလ်တု စနစ်ကို အသုံးပြုထားပြီး လက်ရှိ တည်နေရာကို အချိန်နဲ့ တစ်ပြေးညီ ပြသပေးနိုင်ပါတယ်။ ရေအနက်ကို တွက်ချက်တိုင်းတာပေးနိုင်ပါတယ်။ ပင်လယ်မှာ လှိုင်းထနေရင်လည်း သွားလိုတဲ့ နေရာကို ရောက်အောင် သွားနိုင်ပါတယ်။
ရေအောက်က ဆောက်လုပ်ရေး လုပ်ငန်းတွေရဲ့ အခြေအနေကို ဒရုန်းက စောင့်ကြည့် စစ်ဆေးပေးနိုင်ပြီး အချိန်နဲ့ တစ်ပြေးညီ သတင်းအချက်အလက်တွေကို ပို့ဆောင်ပေးနိုင်ပါတယ်။ သဘာဝဘေးအန္တရာယ် ကျရောက်တဲ့ ဒေသတွေမှာလည်း ကောင်းကင်ကနေ ဓါတ်ပုံတွေ ရိုက်ကူးပေးနိုင်ပါတယ်။
POV-DA ရဲ့ ပင်လယ်ပြင် သုတေသနလုပ်ငန်းနဲ့ သဘာဝဘေးအန္တရာယ် စီမံခန့်ခွဲမှု စွမ်းရည်ဟာ တော်တော် ကောင်းမွန်ပါတယ်။ ဒရုန်းမှာ တခြား ကိရိယာတွေ တပ်ဆင်ပြီး စွမ်းရည်မြှင့်တင်နိုင်ပါတယ်။ ဒရုန်းရဲ့ ဈေးနှုန်းနဲ့ ရောင်းချမယ့် အချိန်ကို မသိရသေးပါဘူး။
Ref : gizmochina
