Redmi Turbo 3 ကို ကြေညာပြီး လအနည်းငယ်အကြာမှာ Xiaomi ဟာ Redmi Turbo 4 ကို စတင် ဖန်တီးနေပါပြီ။ Poco F7 ဟာ Redmi Turbo 4 ကို အမည်ပြောင်းထားတာ ဖြစ်ပြီး ဖုန်း ၂ လုံးဟာ Specs တွေ တူညီကြမှာပါ။ Redmi Turbo 4 ကို ၂၀၂၅ ခုနှစ် ကွာတား ၂ မှာ ကြေညာမှာ ဖြစ်ပြီး အချိန် ၈ လ၊ ၉ လလောက်ကြာဦးမှာပါ။ အခုတော့ Redmi Turbo 4 ကို IMEI Database မှာတွေ့လာရပါတယ်။
IMEI Database အရ Redmi Turbo 4 ရဲ့ မော်ဒယ်နံပါတ်က “2412DRT0AC“ ဖြစ်ပါတယ်။ အဲဒီမှာ ပါတဲ့ C က တရုတ်ကို ကိုယ်စားပြုပါတယ်။ အဲဒီဖုန်းကို တရုတ်အတွက်ပဲ ရောင်းချမှာ ဖြစ်ပြီး နိုင်ငံတကာမှာ Poco F7 အမည်နဲ့ ကြေညာနိုင်ပါတယ်။ Poco F7 Series ကို ၂၀၂၅ ခုနှစ် မေလမှာ ကြေညာမှာပါ။
Poco F7 အတွက် မော်ဒယ် ၂ မျိုးထုတ်လုပ်ထားမှာ ဖြစ်ပြီး “2412DPC0AG” နဲ့ “2412DPC0AI“ တို့ဖြစ်ပါတယ်။ ပထမမော်ဒယ်ရဲ့ G က နိုင်ငံတကာကို ကိုယ်စားပြုပါတယ်။ ဒုတိယမော်ဒယ်ရဲ့ I က အိန္ဒိယ ဖြစ်ပါတယ်။
Redmi Turbo 4 ကို အစောဆုံး အနေနဲ့ နောက်နှစ် ဧပြီလမှာ ကြေညာနိုင်ပြီး Poco F7 ကို နောက်နှစ် မေလမှာ ချပြနိုင်ပါတယ်။ အဲဒီဖုန်းတွေမှာ နောက်ဆုံးထုတ် Qualcomm Processor မောင်းနှင်ထားနိုင်ပါတယ်။ Redmi Turbo 4 မှာ Snapdragon 8S Gen 4 ပါလာနိုင်ပါတယ်။
Ref : gizmochina
