Elon Musk က မိုဘိုင်းဖုန်းတွေမှာ ဂြိုလ်တု အင်တာနက်ကို တိုက်ရိုက် သုံးနိုင်အောင် Starlink ဂြိုလ်တုတွေကို လွှတ်တင်လိုက်ပြီလို့ ကြေညာလိုက်ပါတယ်။ အဲဒီအတွက် အထူး ကိရိယာတွေ မလိုအပ်ဘဲ ဂြိုလ်တု အင်တာနက်ကို မိုဘိုင်းဖုန်းကနေ သုံးနိုင်ပြီ ဖြစ်ပါတယ်။
The first Starlink satellite direct to cell phone constellation is now complete.
This will enable unmodified cellphones to have Internet connectivity in remote areas.
Bandwidth per beam is only ~10Mb, but future constellations will be much more capable. https://t.co/wJHMGEzzE4
— Elon Musk (@elonmusk) December 5, 2024
ဒီဇင်ဘာလ ၄ ရက်နေ့မှာ ကယ်လီဖိုးနီးယားရဲ့ Vandenberg Space Force Base ကနေ Direct-to-cell စွမ်းရည် ပါတဲ့ ဂြိုလ်တု ၁၃ ခု အပါအဝင် Starlink ဂြိုလ်တု ၂၀ ကို အောင်မြင်စွာ လွှတ်တင်ပြီးနောက် အခုလို ကြေညာလိုက်တာ ဖြစ်ပါတယ်။
Falcon 9 ဒုံးပျံက အဲဒီ ဂြိုလ်တုတွေကို ကမ္ဘာပတ်လမ်းကြောင်းကို ပို့ဆောင်ပေးခဲ့တာ ဖြစ်ပြီး လက်ရှိ ဂြိုလ်တု အဖွဲ့အစည်းနဲ့ သွားရောက် ချိတ်ဆက်မှာ ဖြစ်ပါတယ်။ အသစ် လွှတ်တင်လိုက်တဲ့ ဂြိုလ်တုတွေဟာ အရင်က လိုင်းမရခဲ့တဲ့ ဧရိယာတွေမှာပါ အင်တာနက် ပံ့ပိုးပေးနိုင်မှာ ဖြစ်ပါတယ်။
မိုဘိုင်း ဖုန်း ကနေ ဂြိုလ်တု အင်တာနက်ကို တိုက်ရိုက်သုံးတဲ့အခါ လက်ရှိ အမြန်နှုန်းက 10 Mbps ဖြစ်ပြီး Musk က နောက်ပိုင်းမှာ အမြန်နှုန်း ပိုကောင်းလာမယ်လို့ ပြောပါတယ်။
Starlink ဟာ တစ်ကမ္ဘာလုံးမှာ အင်တာနက် ပံ့ပိုးပေးဖို့ ကမ္ဘာပတ်လမ်းကြောင်း အနိမ့်ပိုင်းမှာ ဂြိုလ်တု ထောင်ဂဏန်းကို လွှတ်တင်ထားပါတယ်။ လက်ရှိမှာ ဂြိုလ်တု ၇,၀၀၀ ကျော်ကို လွှတ်တင်ထားပြီး စဉ်ဆက်မပြတ် တိုးချဲ့ဖို့ စီစဉ်ထားပါတယ်။
Ref: msn
