သုတေသန စစ်တမ်း အသစ်တစ်ခု အရ အနာဂတ် စက်ရုပ်တွေဟာ အရေပြားကို ထိတွေ့လိုက်တာနဲ့ လူ့ စိတ်ခံစားချက်တွေကို သိနိုင်မှာ ဖြစ်ပါတယ်။ လူသားတွေ ကြောက်ရွံ့ခြင်း၊ ပျော်ရွှင်ခြင်းတို့လို စိတ်ခံစားမှုတွေ ဖြစ်ပေါ်တဲ့အခါမှာ အရေပြားရဲ့ Electrical Properties တွေကို ဒီနည်းလမ်းက စစ်ဆေးတာ ဖြစ်ပါတယ်။
Facial Recognition လို သမားရိုးကျ နည်းလမ်းတွေဟာ တချို့ အခြေအနေတွေမှာ တိကျမှု မရှိပါဘူး။ ဒါပေမယ့် လူ့ အရေပြားကို စစ်ဆေးတာဟာ အချိန်နဲ့ တစ်ပြေးညီ စိတ်ခံစားချက်ကို သိရှိနိုင်ပါတယ်။
သိပ္ပံပညာရှင်တွေက လူ့ အရေပြားနဲ့အတူ နှလုံးခုန်နှုန်းနဲ့ ဦးနှောက်လှိုင်းတွေကို ပေါင်းစပ်ပြီး အာရုံခံနိုင်မယ့် နည်းလမ်းတွေကို ရှာဖွေနေပါတယ်။ အဲဒီ နည်းလမ်းဟာ လူ့ စိတ်ခံစားချက်ကို ပိုမို တိကျစွာ လေ့လာနိုင်မှာ ဖြစ်ပြီး စက်ရုပ်တွေဟာ လူသားတွေကို ပိုမို နားလည်လာနိုင်မှာ ဖြစ်ပါတယ်။
သိပ္ပံပညာရှင်တွေဟာ လူသားတွေနဲ့ လုံးဝတူတဲ့ စက်ရုပ်တွေကို တီထွင်ဖန်တီးနေကြပါတယ်။ အဲဒီ စက်ရုပ်တွေဟာ အနာဂတ်မှာ လူသားတွေကို အကူအညီပေးနိုင်ဖို့ ရည်ရွယ်ထားကြပါတယ်။
Ref: Tech Explorers
