OnePlus 8 Series ကို ဒီလ ၁၄ ရက်နေ့မှာ ကြေညာတော့မှာ ဖြစ်ပြီး အခုတော့ မိတ်ဆက်ပွဲ မတိုင်ခင်မှာပဲ ဂျာမနီရဲ့ Deutsche Telekom က စွမ်းဆောင်ရည်မြင့် OnePlus 8 ဖုန်းအတွက် Blind Sale ကို ပြုလုပ်ပေးလိုက်ပါတယ်။ Deutsche Telekon နဲ့ OnePlus တို့ ပူးပေါင်းခဲ့တာ ၆ နှစ်သက်တမ်းရှိပြီ ဖြစ်ပြီး OnePlus 8 ဖုန်းကို အရမ်း ကိုင်ချင်နေသူတွေအတွက် အစောဆုံး ကိုင်ခွင့်ရမယ့် အခွင့်အရေးကို ပြုလုပ်ပေးလိုက်တာ ဖြစ်ပါတယ်။
Package ထဲမှာ နောက်ဆုံးထုတ် စွမ်းရည်မြင့် OnePlus ဖုန်း ၊ Limited Edition Packaging နဲ့ OnePlus Accessories တွေ ထည့်သွင်းထားပါတယ်။ ကုမ္ပဏီက OnePlus 8 လား၊ OnePlus 8 Pro လားဆိုတာ မပြောပေမယ့် OnePlus 8 Pro လို့ ထင်ရပါတယ်။
Carrier က ဝယ်ယူနိုင်မယ့် Plan အမျိုးမျိုး ပြုလုပ်ပေးထားတဲ့အတွက် သုံးစွဲသူတွေအတွက် အဆင်ပြေပါတယ်။ ယူရို ၅၉၀ Plan မှာ ၁ လကို ၉၅ ယူရိုနဲ့ ၂ နှစ်ပေးသွင်းနိုင်ပြီး ယူရို ၈၉၀ Plan မှာ ၁ လကို ၅၀ ယူရိုနဲ့ ပေးသွင်းနိုင်မှာ ဖြစ်ပါတယ်။ သေချာတာကတော့ OnePlus 8 Series ဟာ အရင်မျိုးဆက် OnePlus 7 Series ထက် ဈေးပိုများမှာပါ။ Blind Sale ကို ဧပြီလ ၇ ရက်နေ့အထိ ဒါမှမဟုတ် သတ်မှတ်ထားတဲ့ အရေအတွက် ကုန်သွားတဲ့အထိ ပြုလုပ်ပေးမှာ ဖြစ်ပြီး ၃ ပတ်ကနေ ၄ ပတ်အတွင်းမှာ ပို့ဆောင်ပေးမှာပါ။
Deutsche Telekom က OnePlus 8 Series ရဲ့ Specs တွေကို မပြောသေးပေမယ့် အရမ်းလန်းတဲ့ OnePlus Accessories တွေ ပါလာမယ်လို့ အာမခံထားပါတယ်။
Ref : gsmarena
