ဂျပန်ဟာ ၂၀၃၅ ခုနှစ် အရောက်မှာ လျှပ်စစ်ကား ၁၀၀ ရာခိုင်နှုန်း အသုံးပြုဖို့ ရည်မှန်းထားပြီး ကုမ္ပဏီတွေဟာ အစိုးရရဲ့ ရည်မှန်းချက် ပြည့်အောင် ကြိုးစားနေကြပါတယ်။ အဲဒီအထဲက ကုမ္ပဏီ ၁ ခုက ENECHANGE ဖြစ်ပြီး နည်းပါးတဲ့ ပုံသေဈေးနဲ့ ဂျပန် ၁ နိုင်ငံလုံးမှ လျှပ်စစ်ကား အားသွင်းစက်တွေကို အကန့်အသတ် မရှိ အသုံးပြုနိုင်တဲ့ ဝန်ဆောင်မှုကို ပြုလုပ်ပေးလိုက်ပါတယ်။
ဂျပန်ရဲ့ လျှပ်စစ်ကား သုံးစွဲမှုဟာ တခြား နိုင်ငံတွေနဲ့ ယှဉ်ရင် နည်းပါးနေပါသေးတယ်။ တိုယိုတာ လို နာမည်ကြီး ကုမ္ပဏီတွေဟာ ၂၀၃၀ ခုနှစ်အထိ Hybrid ကားတွေကို ရောင်းချဖို့ စီစဉ်ထားပါတယ်။
အဲဒီအတွက်ကြောင့် ဂျပန်မှာ လျှပ်စစ်ကား ရောင်းအားဟာ ၄ ရာခိုင်နှုန်းပဲ ရှိပါသေးတယ်။ အဲဒါကို တိုက်ဖျက်ဖို့အတွက် ENECHANGE အပါအဝင် ကုမ္ပဏီတွေဟာ နိုင်ငံအဝန်းမှာ လျှပ်စစ်ကား အားသွင်းစက်တွေကို တည်ဆောက်လာကြပါတယ်။
အခုတော့ ENECHANGE က ၁ လကို ယန်း ၂,၉၈၀ (၁၉.၀၈ ဒေါ်လာ) ပုံသေဈေးနဲ့ တစ်နိုင်ငံလုံးက လျှပ်စစ်ကား အားသွင်းစက်တွေမှာ သတ်မှတ်အချိန်အတွင်း အကန့်အသတ် မရှိ အသုံးပြုနိုင်တဲ့ ဝန်ဆောင်မှုကို ပြုလုပ်ပေးလိုက်ပါတယ်။ ကုမ္ပဏီမှာ Level 2 Charger ပေါင်း ၁,၈၀၀ ကျော် ရှိပါတယ်။ သတ်မှတ်ချိန်က နံနက် ၇ နာရီ ကနေ ညနေ ၄ နာရီအတွင်း ဖြစ်ပြီး အဲဒီအချိန်ပြင်ပမှာတော့ ၁၀ မိနစ်ကို ၅၅ ယန်း (၀.၃၅ ဒေါ်လာ) ကျသင့်မှာပါ။
Ref : electrek
