Apple က AirPods 4 ကို ကြေညာလိုက်ပြီး Standard AirPods 4 နဲ့ AirPods 4 Active Noise Cancellation မော်ဒယ် ၂ မျိုးထုတ်လုပ်ထားပါတယ်။
Apple က နားထဲမှာ ဝတ်ဆင်ရတာ သက်တောင့်သက်သာ ရှိအောင် Mapping နည်းပညာကို အသုံးပြုထားပါတယ်။ အသံ အရည်အသွေးကို တိုးတက်စေတဲ့ ဒီဇိုင်းကိုသုံးထားပါတယ်။ Spatial Audio ဆိုတဲ့ Feature အသစ်ကို ထည့်သွင်းပေးထားပြီး ဒါကလည်း အသံအရည်အသွေး တိုးတက်စေပါတယ်။
ဒီနှစ်ထုတ် AirPods မှာ Active Noise Cancellation ထည့်သွင်းထားပြီး အရင်က Pro မော်ဒယ်မှာပဲ အသုံးပြုနိုင်တာပါ။ ANC က ဖုန်းပြောရင် ၊ သီချင်းနားထောင်ရင် ပတ်ဝန်းကျင်မှ ဆူညံသံတွေကို လျှော့ချပေးနိုင်ပါတယ်။
ANC မှာ Transparency Mode နဲ့ Adaptive Audio ၂ မျိုး ပါလာပါတယ်။ ပထမတစ်ခုက ပတ်ဝန်းကျင်က အသံကို ကြားရအောင် ပြုလုပ်ပေးပါတယ်။ ဒုတိယ တစ်ခုက သင့် ပတ်ဝန်းကျင် အပေါ် မူတည်ပြီး သင့်တော်တဲ့ Mode ကို ရွေးချယ်ပေးပါတယ်။
Case ကို အဆင့်မြှင့်ထားပြီး Apple က အပေါ့ပါးဆုံးနဲ့ သယ်ယူရ အလွယ်ဆုံးလို့ ပြောပါတယ်။ Case နဲ့ ပေါင်းရင် နားကြပ်ဟာ နာရီ ၃၀ ကြာ သီချင်းနားထောင်နိုင်ပါတယ်။ Case မှာ အရွယ်သေး စပီကာ တပ်ဆင်ထားပြီး နားကြပ်ပျောက်ရင် လွယ်ကူစွာ ရှာနိုင်သလို ဖုန်းဝင်လာရင် အသိပေးနိုင်ပါတယ်။ အားသွင်းဖို့ USB-C Connector တပ်ဆင်ထားပြီး နားကြပ်ကို ကြိုးနဲ့ အပြင် ကြိုးမဲ့ အားသွင်းနိုင်ပါတယ်။
AirPods 4 (ANC မပါ) ကို ၁၂၉ ဒေါ်လာနဲ့ ANC Version ကို ၁၇၉ ဒေါ်လာ သတ်မှတ်ထားပါတယ်။ ကြိုတင်မှာယူနိုင်ပြီ ဖြစ်ပြီး ဒီလ ၂၀ ရက်နေ့ ရောင်းမှာပါ။
Ref : gsmarena
