ကိုရီးယား မီဒီယာ The Elec က နောက်ထုတ်မယ့် iPad ၃ လုံး အကြောင်း သတင်းပေးလာပါတယ်။ အဲဒီအထဲက ၂ လုံးကို ၂၀၂၃ ခုနှစ်နဲ့ ၁ လုံးကို ၂၀၂၂ ခုနှစ်မှာ ရောင်းချမယ်လို့ သိရပါတယ်။ အဲဒီ တက်ဘလက် ၃ လုံးစလုံးမှာ OLED မျက်နှာပြင်တွေ ထည့်သွင်းထားမှာ ဖြစ်ပါတယ်။
ဒီထက်ပို အသေးစိတ်ကျတဲ့ သတင်းအချက်အလက်တွေကိုလည်း The Elec က သတင်းပေးလာပါတယ်။ ၂၀၂၂ ခုနှစ်ထုတ် iPad မှာ ၁၀.၈၆ လက်မ မျက်နှာပြင် ထည့်သွင်းထားမယ်လို့ ပြောတဲ့အတွက် လက်ရှိ iPad Air နဲ့ မျက်နှာပြင် အရွယ်အစား တူညီသွားမှာ ဖြစ်ပါတယ်။ အဲဒီ တက်ဘလက်ဟာ နောက်မျိုးဆက် iPad Air လို့လည်း သတင်းထွက်နေပါတယ်။
Apple ဟာ OLED မျက်နှာပြင်ကို ရေငွေ့ပြန်တာနဲ့ အောက်ဆီဂျင်တွေကနေ ကာကွယ်ပေးဖို့အတွက် Thin-Film Encapsulation (TFE) နည်းလမ်းကို အသုံးပြုထားမယ်လို့ သိရပါတယ်။ ဒီနည်းပညာဟာ ဒီအပိုင်းမှာတော့ တော်တော် စွမ်းရည်မြင့်မားပါတယ်။
၂၀၂၃ ခုနှစ်ထုတ် iPad တွေမှာ ၁၂.၉ လက်မနဲ့ ၁၁.၀ လက်မ 120Hz LTPO မျက်နှာပြင်တွေ တပ်ဆင်ထားမှာ ဖြစ်တယ်လို့ The Elec က ပြောပါတယ်။ LTPO နည်းပညာဟာ မြင့်မားတဲ့ Refresh Rate မှာတောင် စွမ်းအင်စားသုံးမှု သက်သာလျော့နည်းစေပါတယ်။
Ref : gsmarena
