ကိုလမ်ဘီယာက တရားရုံး ၁ ခုက 5G iPhone နဲ့ iPad တွေကို နိုင်ငံတွင်းမှာ ရောင်းချခွင့်ပိတ်ပင်လိုက်ပါတယ်။ တရားရုံးက အဲဒီ Apple ထုတ်ကုန်တွေဟာ Ericsson ပိုင်ဆိုင်တဲ့ Patent ၁ ခုကို ကူးယူထားတယ်လို့ ဆုံးဖြတ်ပါတယ်။
ဘိုဂိုတာ တရားရုံးက 5G Patent ကို Apple က ကူးယူထားတယ်လို့ စွပ်စွဲထားတဲ့ Ericsson ကို အသာပေး ဆုံးဖြတ်ခဲ့တာ ဖြစ်ပါတယ်။ တရားရုံးက ၂၀၃၅ ခုနှစ် အထိ တရားဝင်တဲ့ ၂၀၁၉ ခုနှစ်က Ericsson ရဲ့ Patent ကို Apple ရဲ့ 5G ဟာ့ဒ်ဝဲမှာ ကူးယူထားတယ်လို့ ဆုံးဖြတ်ပါတယ်။ အဲဒီ ဆုံးဖြတ်ချက်ကို ဧပြီလက ပြုလုပ်ခဲ့တာ ဖြစ်ပြီး Ericsson က အခုတော့ အတည်ဖြစ်အောင် ကြိုးစားလိုက်တာ ဖြစ်ပါတယ်။ အခု အတည်ပြု ဆုံးဖြတ်ချက်ကို ပြီးခဲ့တဲ့ ၁ ပတ်က ပြုလုပ်ခဲ့တာ ဖြစ်ပြီး Apple ရဲ့ ကိုလမ်ဘီယာ ဌာနဟာ 5G iPhone နဲ့ iPad တွေကို နိုင်ငံတွင်းမှာ ရောင်းချလို့ မရတော့ပါဘူး။
တရားရုံးက အဲဒီ Patent ကို ကူးယူထားတဲ့ ဘယ်ထုတ်ကုန်ကိုမဆို Apple ဟာ ကိုလမ်ဘီယာမှာ တင်သွင်းခြင်း၊ ရောင်းချခြင်း၊ ကြော်ငြာခြင်းတွေကို ပြုလုပ်ခွင့် တားမြစ်လိုက်ပါတယ်။ တရားရုံးက နိုင်ငံထဲက တရားရေး အာဏာပိုင်တွေကို အခု ဆုံးဖြတ်ချက်ကို လိုက်နာအောင် သတိပေးထားပါတယ်။
Apple က ကိုလမ်ဘီယာ တရားရုံးရဲ့ တားမြစ်ချက်ဟာ Ericsson ကို Apple က Royalty ကြေးပေးအောင် ဖိအားပေးလိုက်တာလို့ ပြောပါတယ်။
Ref : gizmochina
