ကမ္ဘာ့ ပထမဆုံး Foldable စမတ်ဖုန်း ဖြစ်တဲ့ Royole Flexpai ကို ၂၀၁၈ ခုနှစ် အောက်တိုဘာလမှာ ကြေညာခဲ့တာ ဖြစ်ပါတယ်။ အဲဒီနောက်ပိုင်းမှာတော့ Huawei , Samsung , Motorola , Xiaomi နဲ့ တခြား ကုမ္ပဏီတွေရဲ့ Foldable စမတ်ဖုန်းများစွာ ထွက်လာပါတယ်။ ဒါပေမယ့် Android Foldable ဖုန်းတွေ ထွက်လာပြီး ၃ နှစ်အကြာမှာတောင် Apple ရဲ့ Foldable iPhone ကို မတွေ့ရသေးပါဘူး။ Apple က Foldable iPhone ကို ဖန်တီးနေတာတော့ သေချာပါတယ်။
Apple အကြောင်း လေ့လာဆန်းစစ်သူ Ming-Chi Kuo က Apple ဟာ Foldable iPhone ကို ၂၀၂၃ ခုနှစ်ကျမှ ကြေညာမယ်လို့ သုံးသပ်ထားပါတယ်။ သူက အဲဒီ ဖုန်းမှာ ၈ လက်မ QHD+ Flexible မျက်နှာပြင် ပါလာမယ်လို့ ပြောပါတယ်။
Samsung ဟာ ၂၀၁၉ ခုနှစ် ဖေဖော်ဝါရီလ ၂၀ ရက်နေ့မှာ Galaxy Fold Foldable စမတ်ဖုန်းကို ကြေညာခဲ့ပြီး နာမည်ကြီး ကုမ္ပဏီက ထုတ်တဲ့ ပထမဆုံး Foldable ဖုန်း အဖြစ် မှတ်တမ်းဝင်သွားပါတယ်။ Samsung ဟာ ဒီလ ၁၁ ရက်နေ့မှာ Galaxy Z Fold3 ကို ချပြတော့မှာ ဖြစ်ပြီး အဲဒီ ဖုန်းမှာ Samsung ရဲ့ Under-screen ကင်မရာ နည်းပညာ ထည့်သွင်းထားနိုင်ပါတယ်။ Honor , Vivo , Google နဲ့ တခြား ကုမ္ပဏီတွေကလည်း ဒီနှစ်ထဲမှာ Foldable ဖုန်းတွေကို ကြေညာနိုင်ပါတယ်။ အဲဒီအတွက် Apple ရဲ့ Foldable iPhone ဟာ Android Foldable ဖုန်းတွေထက် အချိန် ၅ နှစ်၊ ၆ နှစ်လောက် နောက်ကျနေမှာပါ။
Apple ဟာ ဒီနှစ်မှာ Foldable iPhone တွေကို ထုတ်လုပ်ရောင်းချနိုင်မှာ မဟုတ်ပေမယ့် iPhone 13 Series အသစ်တွေကို စက်တင်ဘာလလောက်မှာ ကြေညာတော့မှာ ဖြစ်ပါတယ်။ iPhone 13 Series တွေကို တရားဝင် မိတ်ဆက်ပွဲ မတိုင်ခင်မှာပဲ ဓါတ်ပုံတွေနဲ့ သတင်းအချက်အလက်များစွာ ပေါက်ကြားထွက်ပေါ်နေပါတယ်။
Ref : gizchina
