Asus က ROG Phone 6D နဲ့ 6D Ultimate ကို ကြေညာလိုက်ပြီး ထူးခြားဆန်းသစ်တဲ့ Cooling စနစ် ထည့်သွင်းထားပါတယ်။ ဖုန်း ၂ လုံးစလုံးမှာ MediaTek Dimensity 9000+ Chipset မောင်းနှင်ထားပါတယ်။ ကွဲပြားချက် ၁ ခုက Memory ဖြစ်ပြီး Ultimate မှာ 16/512GB အထိနဲ့ ရိုးရိုး မော်ဒယ်မှာ 16/256GB အထိ ထည့်သွင်းထားပါတယ်။
ဖုန်း ၂ လုံးစလုံးမှာ ၆.၇၈ လက်မ OLED မျက်နှာပြင် တပ်ဆင်ထားပြီး 10-bit Color Depth , 165Hz Refresh Rate နဲ့ HDR10+ တွေ ထည့်သွင်းထားပါတယ်။ ကင်မရာတွေက မပြောင်းလဲဘဲ 50MP Main , 13MP Ultrawide နဲ့ 5MP Macro ၃ လုံးကို အနောက်ဘက်နဲ့ 12MP ကို အရှေ့ဘက်မှာ တပ်ဆင်ထားပါတယ်။
ဘက်ထရီက တူညီပြီး 65W Fast Charging ပါတဲ့ 6,000mAh ကို သုံးထားပါတယ်။ ဒီဇိုင်းအပိုင်းမှာ အများကြီး မပြောင်းလဲဘဲ 6D Ultimate ရဲ့ အနောက်ဘက်မှာ ROG Vision Color PMOLED မျက်နှာပြင်နဲ့ ရိုးရိုးမှာ RGB LED-illuminated ROG Logo ပါလာပါတယ်။
ထူးခြားတာက ROG Phone 6D Ultimate ရဲ့ အနောက်ဘက်က AeroActive Portal ဖြစ်ပါတယ်။ AeroActive Portal ဟာ အတွင်းပိုင်းက Cooling အစိတ်အပိုင်းတွေနဲ့ ဆက်သွယ်ထားပြီး မော်တာ Hinge တပ်ဆင်ထားပါတယ်။ AeroActive Cooler 6 နဲ့ ချိတ်ဆက်ထားရင် အဲဒါဟာ အလိုလို ပွင့်ဟလာပါတယ်။ အဲဒီအတွက် အပူစွန့်ထုတ်မှု ပိုထိရောက်တဲ့အတွက် စွမ်းဆောင်ရည် ပိုကောင်းစေပါတယ်။
Asus က ဖုန်း ၂ လုံးစလုံးအတွက် Space Gray ၁ ရောင်ထဲ ထုတ်လုပ်ထားပါတယ်။ ရိုးရိုး 6D ဟာ ဗြိတိန်မှာ ၇၉၉ စတာလင်ပေါင် (၉၁၃ ဒေါ်လာ) ကစပြီး Ultimate က ၁,၁၉၉ (၁၃၇၀ ဒေါ်လာ) က စပါတယ်။
Ref : gsmarena
