Doogee ဟာ ဇူလိုင်လကုန်မှာ ထုတ်ကုန်အသစ်များစွာကို ကြေညာတော့မှာ ဖြစ်ပြီး အဲဒီအထဲမှာ X97 Series, D11 စမတ်နာရီ, D09 စမတ်နာရီ , S89 Pro နဲ့ S61 Series တို့ ပါပါတယ်။ အားလုံးထဲမှာ အကြမ်းခံတဲ့ S89 Pro က စိတ်ဝင်စားစရာ အကောင်းဆုံး ဖြစ်ပြီး အရွယ်အစား အရမ်း ကြီးမားတဲ့ 12,000mAh ဘက်ထရီနဲ့ 65W Fast Charger ပါလာမှာပါ။
စက်ရုပ် ပုံသဏ္ဍာန် ကင်မရာ Bump နဲ့ RGB Light-emitting Eyes က အထင်ရှားဆုံး လုပ်ဆောင်ချက် ဖြစ်ပါတယ်။ Pattern, Speed နဲ့ အရောင်တွေကို သင်ကြိုက်သလို ပြောင်းလဲ သတ်မှတ်နိုင်ပါတယ်။ Alerts , Incoming Call နဲ့ Voice Command တွေအတွက် သီးသန့် အရောင်တွေ ထားရှိနိုင်ပါတယ်။ Effect တွေကို သီချင်းနဲ့ Synchronizing လုပ်နိုင်တာက တကယ်မိုက်ပါတယ်။
IP68 နဲ့ IP69K စံနှုန်းတွေ ပါတဲ့အတွက် S89 Pro ဟာ တော်တော် အကြမ်းခံပါတယ်။ ရေစက်ရေပေါက်တွေကို သာမက ရေထဲနှစ်ပြီးတောင် အသုံးပြုနိုင်ပါတယ်။ အမြင့်က ပြုတ်ကျတဲ့ ဒဏ်ကို ခံနိုင်ပြီး ကြမ်းတမ်းတဲ့ လုပ်ငန်းခွင်တွေမှာ အသုံးပြုလို့ ရပါတယ်။ MIL-STD-810H စံနှုန်းကြောင့် ဒီလို အကြမ်းခံတာပါ။ MediaTek P90 Chipset , 8GB RAM နဲ့ 256GB Storage ထည့်သွင်းထားပြီး 512GB micro SD Card စိုက်နိုင်ပါတယ်။
အနောက်ဘက်မှာ 64MP Sony Main , 20MP Night Vision ,8MP Wide Angle ကင်မရာ ၃ လုံး နဲ့ အရှေ့ဘက်မှာ 16MP ကင်မရာ ၁ လုံး တပ်ဆင်ထားမှာ ဖြစ်ပြီး ၆.၃ လက်မ LCD FHD+ မျက်နှာပြင် ပါလာမှာပါ။ Android 12 OS မောင်းနှင်ထားမှာ ဖြစ်ပြီး ဒီလ ၂၅ ရက်ကနေ ၂၉ ရက်အတွင်း AliExpress နဲ့ Doogeemall တို့ကနေ ရောင်းမှာပါ။ ၃၁၉ ဒေါ်လာ သတ်မှတ်ထားပြီး မြန်မာငွေ ၅၉၀,၀၀၀ ဝန်းကျင် ကျသင့်မှာပါ။
Ref : gizchina