အီရန်အပေါ် အမေရိကန်နဲ့ အစ္စရေး ပူးပေါင်းတိုက်ခိုက်တဲ့ ရက်စွဲနဲ့ ကိုက်ညီတဲ့ အဖြေပေးခဲ့တဲ့နောက်မှာ အီလွန်မတ်စ်ရဲ့ Grok AI ဟာ လူစိတ်ဝင်စားမှု အများအပြား ရရှိခဲ့တယ်လို့ မီဒီယာတွေက ဖော်ပြပါတယ်။
အဲဒီသတင်းဟာ ဖေဖော်ဝါရီ ၂၅ ရက်မှာ ပြုလုပ်ခဲ့တဲ့ Jerusalem Post သတင်းစာရဲ့ စမ်းသပ်မှုကနေ စတင်ခဲ့တာဖြစ်ပြီး၊ အဲဒီစမ်းသပ်မှုမှာ အီရန်ကို အမေရိကန်က တိုက်ခိုက်မယ့် မှန်းဆရက်စွဲတစ်ခုကို ရွေးချယ်ပေးဖို့ AI မော်ဒယ် အများအပြားကို မေးမြန်းခဲ့တာ ဖြစ်ပါတယ်။
တခြား မော်ဒယ်တွေက ကွဲပြားတဲ့ ရက်စွဲတွေ ဒါမှမဟုတ် အချိန်ကာလတွေကို အဖြေပေးခဲ့ပေမယ့် Grok ကတော့ ဖေဖော်ဝါရီ ၂၈ ရက်ဆိုပြီး နှစ်ကြိမ်တိုင်တိုင် ရွေးချယ်ခဲ့တယ်လို့ သတင်းစာက ဖော်ပြပါတယ်။
တိုက်ခိုက်မှုတွေကို ဖေဖော်ဝါရီ ၂၈ ရက်မှာ တကယ်စတင်ခဲ့တာကြောင့် အဲဒီရလဒ်ဟာ ဖြစ်နိုင်ခြေကို တွက်ချက်နိုင်တာလား ဒါမှမဟုတ် တိုက်ဆိုင်မှုတစ်ခုလား ဆိုတာနဲ့ ပတ်သက်ပြီး အွန်လိုင်းပေါ်မှာ ဆွေးနွေးမှုတွေ ထွက်ပေါ်လာစေခဲ့ပါတယ်။
အီလွန်မတ်စ်က အဲဒီသတင်းကို X မှာ မျှဝေခဲ့ပြီး “အနာဂတ်ကို ခန့်မှန်းနိုင်တာဟာ AI ရဲ့ အကောင်းဆုံးစွမ်းရည်ပါပဲ။” လို့ ရေးသားခဲ့ပါတယ်။
Ref : Fossbytes
