Pixel 6 မှာ Contact ထဲက ဖုန်းနံပါတ်တွေကို မှားခေါ်မိနေတဲ့ Bug ကို Fix ပေးလိုက်တဲ့ Google

Google Pixel 6 နဲ့ Pixel 6 Pro ဖုန်းတွေဟာ Google အတွက် ပထမဆုံးအနေနဲ့ ကိုယ်ပိုင် Tensor Chip ကို အသုံးပြုပြီးထုတ်လုပ်ထားတဲ့ Flagship ဖုန်းတွေဆိုရင်လည်း မမှားပါဘူး။ အခုလိုမျိုး Qualcomm Snapdragon အစား ကိုယ်ပိုင် Chipset ကို ပြောင်းလဲအသုံးပြုတယ်ဆိုပေမယ့် Pixel 6 Series ဖုန်းတွေဟာ Camera ပိုင်းနဲ့ စွမ်းဆောင်ရည်ပိုင်းမှာ အကောင်းဘက်ကနေ ဝေဖန်မှုတွေကို ခံခဲ့ရပါတယ်။

ဒါပေမယ့်လည်း တချို့သော Bug တွေနဲ့ Error တွေဟာ Google Pixel 6 Series ဖုန်းတွေမှာ လက်ရှိအချိန်အထိ ကြုံတွေ့နေရတုန်းပဲဖြစ်ပါတယ်။ အဆိုပါ Error ထဲမှာ Fingerprint Sensor နှေးကွေးတာ၊ ဖုန်းက လိုအပ်တာထက်ပိုပြီး Heat တက်တာမျိုးတွေပါဝင်နေတာဖြစ်ပါတယ်။

ဒါတင်မဟုတ်သေးဘဲ Pixel 6 ဖုန်းတချို့မှာ ကိုယ်က ဘာမှပြုလုပ်ခြင်းမရှိပေမယ့် ဖုန်း Contact ထဲမှာရှိတဲ့ Contact တွေကို ဖုန်းခေါ်ဆိုမိနေတဲ့ Bug လည်းရှိ‌ေနတာဖြစ်ပါတယ်။ ဒါက Google App ရဲ့ Bug တစ်ခုဖြစ်ပြီး Google Assistant ကို အသုံးပြုတဲ့အချိန်မှာ မှားယွင်းပြီး တချို့သောသူတွေရဲ့ ဖုန်းနံပါတ်ကို Contact ကတစ်ဆင့် ခေါ်ဆိုမိနေတာဖြစ်ပါတယ်။