Google က သူ့ထုတ်ကုန် အားလုံးကို AI နည်းပညာ ထည့်သွင်းနေပါတယ်။ နောက်ဆုံးအနေနဲ့ အဲဒီ AI က Android ပေါ်က Play Store ထဲကို တန်းရောက်လာပါတယ်။ အခုဆို Play Store မှာရှိတဲ့ app တွေအတွက် AI ကနေ ဖန်တီးထားတဲ့ review အကျဉ်းချုပ်တွေကို ပြသပေးနေပါပြီ။ ဒါကြောင့် app တစ်ခုက ကောင်းလား ဆိုးလား ဆိုတာသိရဖို့ review တွေ အများကြီး လိုက်ဖတ်နေရတဲ့ သင့်ရဲ့အချိန်တွေကို အများကြီး သက်သာစေတော့မှာပါ။
ဒီ AI အကျဉ်းချုပ်တွေကို လွန်ခဲ့တဲ့ တစ်နှစ်ကျော်ကတည်းက စမ်းသပ်နေတာကို စပြီး သတိထားမိခဲ့ကြတာပါ။ သင့်ဖုန်းထဲမှာ ဒီ feature ရလာတဲ့အခါ၊ review တွေရဲ့ အပေါ်နားမှာ “Users are saying” (သုံးစွဲသူတွေကတော့ ဒီလိုပြောကြတယ်) ဆိုတဲ့ ကဏ္ဍတစ်ခုကို တွေ့ရမှာပါ။
ဒီအကျဉ်းချုပ်က review အရေအတွက် အများကြီးရှိတဲ့ app တွေမှာပဲ ပေါ်လာမှာပါ။ ဒါပေမဲ့ review ဘယ်လောက်ရှိရမယ် ဆိုတဲ့ အတိအကျ သတ်မှတ်ချက်ကိုတော့ မသိရပါဘူး။ AI အကျဉ်းချုပ်တစ်ခုစီက စာပိုဒ်တစ်ပိုဒ်စာပဲ ရှိပြီး၊ သုံးစွဲသူ review တွေထဲက အဖြစ်အများဆုံး အပေါင်းလက္ခဏာဆောင်တဲ့ အချက်တွေနဲ့ အနုတ်လက္ခဏာဆောင်တဲ့ အချက်တွေကို မီးမောင်းထိုးပြပေးထားပါတယ်။
အကျဉ်းချုပ်စာပိုဒ်ရဲ့ အောက်ဘက်မှာတော့ ‘chips’ လို့ခေါ်တဲ့ ခလုတ်အသေးလေးတွေကို တွေ့ရမှာပါ။ ဒီ chip လေးတွေက ဖော်ပြထားတဲ့ အကြောင်းအရာ (ဥပမာ “စွမ်းဆောင်ရည်” ဒါမှမဟုတ် “သုံးရတာလွယ်ကူမှု”) အကြောင်း ပြောထားတဲ့ review တွေဆီကို တန်းရောက်သွားအောင် နှိပ်လိုက်ရုံပါပဲ။
Apple ကလည်း အလားတူ feature မျိုးကို iOS App Store မှာ ပြီးခဲ့တဲ့ ဧပြီလကတည်းက ထည့်သွင်းပေးခဲ့ပြီးသားပါ။
Ref: gsmarena
