Huawei က တရုတ်မှာ MatePad Air Android တက်ဘလက်ကို ကြေညာလိုက်ပါတယ်။ 2.8K Content တွေကို ပြသပေးနိုင်တဲ့ IPS မျက်နှာပြင်နဲ့ Variable Refresh Rate ပါလာပါတယ်။
Huawei MatePad Air မှာ 11.5” 2880x1840p မျက်နှာပြင် တပ်ဆင်ထားပြီး 270ppi Pixel Density ထည့်ထားပါတယ်။ Screen-to-body Ratio က ၈၇ ရာခိုင်နှုန်း ဖြစ်ပြီး 30Hz -144Hz Variable Refresh Rate ထောက်ပံ့ထားပါတယ်။
စွမ်းရည်မြင့် တက်ဘလက်မှာ Snapdragon 888 Chipset မောင်းနှင်ထားပြီး 12GB RAM နဲ့ 512GB Storage အထိ ရွေးချယ်နိုင်ပါတယ်။ 8GB RAM/128GB Storage Version လည်း ထုတ်လုပ်ထားပါတယ်။
Huawei MatePad Air မှာ 40W Wired Charging ပါတဲ့ 8,300mAh Battery ထည့်ထားပြီး အရှေ့ဘက်မှာ 8MP နဲ့ အနောက်ဘက်မှာ 13MP ကင်မရာတွေ တပ်ဆင်ထားပါတယ်။ စပီကာ ၄ လုံးနဲ့ မိုက်ကရိုဖုန်း ၄ လုံး ထည့်သွင်းထားပါတယ်။
တက်ဘလက်အတွက် ဒစ်ဂျစ်တယ် ဘောပင်နဲ့ ကီးဘုတ်တွေကို သီးခြား ရောင်းချပေးမှာပါ။ တရုတ်မှာ 8/128GB ကို ၄၁၂ ဒေါ်လာ၊ 12/512GB ကို ၆၃၉ ဒေါ်လာ သတ်မှတ်ထားပြီး နိုင်ငံတကာမှာ ရောင်းချမယ့် သတင်းကို မသိရသေးပါဘူး။
Ref : gizmochina
