Huawei က ဒီလ ၁၇ ရက်နေ့မှာ Nova 11 ကို ကြေညာတော့မှာပါ။ Nova 11 ရဲ့ အရှေ့ဘက်ကို ပြသထားတဲ့ ဓါတ်ပုံ ၁ ပုံဟာ မိတ်ဆက်ပွဲ မတိုင်ခင် ထွက်ပေါ်လာပြီး iPhone 14 Killer လို့ ညွှန်းဆိုထားပါတယ်။
မျက်နှာပြင် ဘေးဘောင်တွေဟာ iPhone 14 နဲ့ တူညီပြီး မျက်နှာပြင် အထက်အလယ်မှာ Punch Hole တပ်ဆင်ထားပါတယ်။
Huawei Nova 11 မှာ 6.7” OLED FHD+ မျက်နှာပြင်နဲ့ 120Hz Refresh Rate ပါလာမှာ ဖြစ်ပြီး iPhone 14 ရဲ့ 6.1” မျက်နှာပြင်ထက် ကြီးမားမှာပါ။ အထူက ၆.၈၈ မီလီမီတာပဲ ရှိပြီး iPhone 14 ရဲ့ ၇.၈၀ မီလီမီတာထက် ပါးလွှာမှာပါ။
Huawei Nova 11 မှာ 4,500mAh Battery နဲ့ 66W Charging ထည့်သွင်းထားမှာပါ။ ကင်မရာတွေကို အသားပေးထားပြီး 50MP အပါအဝင် အနောက်ကင်မရာ ၃ လုံးနဲ့ 60MP အရှေ့ ကင်မရာ တပ်ဆင်ထားမှာပါ။
အရှေ့ ကင်မရာက 4K Video နဲ့ အရည်အသွေးမြင့်တဲ့ ဆဲလ်ဖီး ဓါတ်ပုံတွေ ရိုက်ကူးနိုင်မှာပါ။ 128GB/256GB/512GB Storage တွေ ထုတ်လုပ်ထားမှာ ဖြစ်ပြီး Huawei ရဲ့ ကိုယ်ပိုင် Operating System ဖြစ်တဲ့ HarmonyOS မောင်းနှင်ထားမှာပါ။
ဒီဇိုင်း အကြောင်းပြောရရင် Huawei Nova 11 အတွက် အရောင် ၄ ရောင်ထုတ်လုပ်ထားမှာ ဖြစ်ပြီး စွမ်းရည်သင့် ဖုန်းကို ပရီမီယမ် ဒီဇိုင်းဖြစ်အောင် ဖန်တီးထားမှာပါ။
Huawei Nova 11 ကို Nova 11 Pro, Nova 11 Ultra တို့နဲ့အတူ ကြေညာမှာ ဖြစ်ပါတယ်။ အထင်ကြီးစရာ Specs ၊ လှပတဲ့ ဒီဇိုင်းနဲ့ ဈေးနှုန်းချိုသာမှုကြောင့် Nova 11 ဟာ စွမ်းရည်သင့် ဖုန်း နယ်ပယ်မှာ နာမည်ကြီးလာနိုင်ပါတယ်။
Ref : gizmochina
