iPhone 14 Pro Max ဟာ ပြီးခဲ့တဲ့ ရက်သတ္တပတ် အနည်းငယ်က မိတ်ဆက်ခဲ့တဲ့ Apple ရဲ့ နောက်ဆုံးထုတ် စွမ်းရည်မြင့် ဖုန်း ဖြစ်ပါတယ်။ အခုတော့ DisplayMate က အဲဒီ ဖုန်းရဲ့ မျက်နှာပြင် အရည်အသွေးကို စမ်းသပ်လိုက်ပြီး အကောင်းဆုံး စမတ်ဖုန်း မျက်နှာပြင် အဖြစ် သတ်မှတ်လိုက်ပါတယ်။
iPhone 14 Pro Max ဟာ စမ်းသပ်မှုမှာ A+ Rating ရသွားပြီး Apple ရဲ့ ၂၀၂၂ ခုနှစ်ထုတ် စွမ်းရည်မြင့် ဖုန်းတွေထဲမှာ မျက်နှာပြင် အကောင်းဆုံး ဖြစ်ပါတယ်။ iPhone 14 Pro Max ရဲ့ Peak Brightness ဟာ 2,300 nits ဖြစ်ပြီး Contrast Ratio က အတိုင်းအဆ မရှိပါဘူး။ Apple က iPhone 14 Pro Max ရဲ့ Peak Brightness ဟာ 2,000 nits လို့ ကြေညာထားပေမယ့် စမ်းသပ်ကြည့်တဲ့အခါမှာ 2,300 nits အထိ ရှိပါတယ်။ DisplayMate က မျက်နှာပြင် အလင်းပြန်မှုကို စမ်းသပ်တဲ့အခါမှ ၄.၅ ရာခိုင်နှုန်းပဲ ရှိပြီး အနည်းဆုံး မျက်နှာပြင် အလင်းပြန်မှု ဖြစ်ပါတယ်။
စမ်းသပ်မှုအရ Ambient Light မှာ အမြင့်ဆုံး Contrast Rating ကို ပိုင်ဆိုင်ထားပါတယ်။ စမ်းသပ်မှုရဲ့ တချို့ အစိတ်အပိုင်းတွေမှာ ပြည့်စုံလုနီးပါး အမှတ်ကို ရသွားပြီး အဲဒီ အစိတ်အပိုင်းတွေထဲမှာ အရောင်တိကျမှု ပါဝင်ပါတယ်။
iPhone 14 Pro နဲ့ 14 Pro Max မှာ Samsung က ထုတ်လုပ်ထားတဲ့ မျက်နှာပြင်တွေ တပ်ဆင်ထားတာဖြစ်တဲ့အတွက် နောက်ထွက်မယ့် Samsung Galaxy S23 Ultra ရဲ့ မျက်နှာပြင်ကိုလည်း DisplayMate က အမှတ်ကောင်းကောင်းပေးနိုင်သလို iPhone 14 Pro Max ထက်တောင် ပိုကောင်းသွားနိုင်ပါတယ်။
ref : gizmochina
