Paignton မှာ ပြီးခဲ့တဲ့ ရက်ပိုင်းက ပြုလုပ်ခဲ့တဲ့ Torbay Airshow မှာ UFO စိတ်ဝင်စားသူ John Mooner က လေယာဉ်တွေ အုပ်စုဖွဲ့ ပျံသန်းနေတဲ့ အထက်ကောင်းကင်ယံမှာ UFO လို့ ထင်ရတဲ့ အရာကို ဓါတ်ပုံရိုက်ကူးနိုင်ခဲ့ပါတယ်။ အဲဒီ ယာဉ်ပျံဟာ ၁ နာရီကို မိုင် ၁,၀၀၀ အမြန်နှုန်းနဲ့ ပျံသန်းနေတာလို့ တွက်ချက်ထားပါတယ်။
Newton Abbott မှာ နေထိုင်တဲ့ Mooner ဟာ လေယာဉ်တွေ အနားမှာ ထူးခြားတဲ့ အရာတွေကို တွေ့ရမလားဆိုပြီး လေကြောင်းပြပွဲကို သွားခဲ့တာလို့ ပြောပါတယ်။ Mooner ကတော့ UFO ကို ဓါတ်ပုံ ၄ ပုံတောင် ရိုက်ကူးနိုင်ခဲ့ပါတယ်။ သူက အဲဒါဟာ လူသားတွေ မောင်းနှင်တဲ့ ယာဉ်ပျံ မဟုတ်ဘူးလို့ ပြောပါတယ်။
နောက်ထပ် ပွဲလာကြည့်သူ Emma Smith ကလည်း UFO ကို တွေ့ရှိပြီး ဓါတ်ပုံ ရိုက်နိုင်ခဲ့တယ်လို့ ပြောပါတယ်။ သူမက “ စနေနေ့ ညနေ ၅ နာရီ ၄၅ မိနစ်လောက် Paignton Pier အနားမှာ လေယာဉ်တွေ ပျံသန်းနေတာကို ဓါတ်ပုံရိုက်နေချိန်မှာ အနက်ရောင် ယာဉ်ပျံ ၁ စီးကို တွေ့ခဲ့ရပါတယ်။ Zoom ဆွဲကြည့်တဲ့အခါမှာ ကိုယ့်မျက်လုံးကိုတောင် ကိုယ် မယုံနိုင်အောင် ဖြစ်ခဲ့ရပါတယ်။ ပန်းကန်ပြားပျံ ပုံသဏ္ဍာန် ဖြစ်ပါတယ်။ iPhone နဲ့ ဓါတ်ပုံ ရိုက်ခဲ့တာဖြစ်ပေမယ့် Zoom စွမ်းရည်က အတော်အသင့် ကောင်းပါတယ်။ “ လို့ ပြောပါတယ်။
UFO လို့ ခေါ်တဲ့ အမျိုးအမည် မသိတဲ့ ယာဉ်ပျံတွေကို ကမ္ဘာမှာ ရံဖန်ရံခါ တွေ့နေရပြီး အခုလည်း နောက်တစ်ခါ တွေ့ရှိလာရတာ ဖြစ်ပါတယ်။
Ref: dailymail
