Helio G95 Chipset ကို မိတ်ဆက်လိုက်တဲ့ MediaTek

ပြီးခဲ့တဲ့နှစ်တုန်းက MediaTek ကနေ Mid Range Gaming Chipset တွေဖြစ်တဲ့ G90 နဲ့ G90T Chipset တွေကို မိတ်ဆက်ခဲ့ပါတယ်။ အဆိုပါ Chipset တွေဟာ Mid Range ဖုန်းတွေကြားမှာ အောင်မြင်ခဲ့သလို အခုလည်း MediaTek ကနေ နောက်ထပ် G Series Chipset အသစ်ကို မိတ်ဆက်လိုက်ပြီဖြစ်ပါတယ်။

ဒါကတော့ MediaTek Helio G95 Chipset ပဲဖြစ်ပြီး မနှစ်တုန်းက Helio G90T ထက်တောင် ပိုပြီး စွမ်းဆောင်ရည်ကောင်းမွန်မှာဖြစ်ပါတယ်။ ဒါပေမယ့်လည်း GPU Performance ပိုင်းမှာပဲ 5% ပိုသာမှာဖြစ်တဲ့အတွက် အရမ်းသိသာမှာတော့မဟုတ်ပါဘူး။

CPU ပိုင်းအနေနဲ့ကတော့ 12nm Architecture ကို အသုံးပြုထားပြီးတော့ 2.05GHz Cortex-A76 Core ၂ လုံးနဲ့ 2GHz Cortex-A55 Core ၆ လုံးပါဝင်မှာဖြစ်ပါတယ်။ RAM အနေနဲ့ အမြင့်ဆုံး 10GB အထိ Support ပြုလုပ်ပြီးတော့ UFS 2.1 Storage ကိုလည်း အသုံးပြုနိုင်မှာဖြစ်ပါတယ်။

MediaTek Helio G95 Chipset ဟာ Display အနေနဲ့ 90Hz Full HD+ Display တွေကို Support ပြုလုပ်နိုင်မှာဖြစ်တဲ့အပြင် 64MP Camera Setup ၊ 4K 30fps Video Recording တွေကိုပါ ကောင်းကောင်းကိုင်တွယ်နိုင်မှာဖြစ်ပါတယ်။ ဒါပေမယ့်လည်း Dimensity Series Chipset တွေလိုမျိုး 5G Support ကတော့ ပါဝင်မှာမဟုတ်ပါဘူး။