Mercedes က နောက်မျိုးဆက် လျှပ်စစ်ကားတွေမှာ Solid-state Battery အသစ်ကို ထည့်သွင်းတော့မှာ ဖြစ်ပါတယ်။ Factorial နဲ့ ပူးပေါင်း ထုတ်လုပ်ထားတဲ့ Solid-state Battery ဟာ လျှပ်စစ်ကား မောင်းနှင်နိုင်တဲ့ အကွာအဝေးကို ၈၀ ရာခိုင်နှုန်းအထိ တိုးမြှင့်ပေးနိုင်ပါတယ်။
Factorial ဟာ လျှပ်စစ်ကား Battery နည်းပညာမှာ ထိပ်တန်းရောက်နေတဲ့ ကုမ္ပဏီ ဖြစ်ပါတယ်။ အမေရိကန် အခြေစိုက် ကုမ္ပဏီက သူ့ရဲ့ နည်းပညာဟာ လျှပ်စစ်ကား မောင်းနှင်နိုင်တဲ့ အကွာအဝေးကို တိုးမြှင့်ပေးပြီး ဘေးကင်းလုံခြုံမှု ပိုကောင်းတယ်လို့ ပြောပါတယ်။ လက်ရှိဈေးကွက်ထဲက Battery တွေထက် ကုန်ကျစားရိတ် သက်သာစေပါတယ်။
Factorial မှာ ရင်းနှီးမြှပ်နှံထားတဲ့ ကားကုမ္ပဏီတွေထဲမှာ Mercedes အပြင် Hyundai နဲ့ Stellantis တို့လည်း ပါဝင်ပါတယ်။
ပြီးခဲ့တဲ့ အင်္ဂါနေ့မှာ Factorial ဟာ Solstice အမည်ရ Solid-state Battery ကို မိတ်ဆက်လိုက်ပြီး Mercedes နဲ့ ပူးပေါင်း ထုတ်လုပ်ထားတာ ဖြစ်ပါတယ်။ အဲဒီ Battery ကို Mercedes ရဲ့ နောက်မျိုးဆက် လျှပ်စစ်ကားတွေမှာ အသုံးပြုမှာ ဖြစ်ပါတယ်။
Battery ရဲ့ Energy Density ဟာ 450 Wh/kg ရှိပြီး Factorial က လျှပ်စစ်ကား မောင်းနှင်နိုင်တဲ့ အကွာအဝေးကို ၈၀ ရာခိုင်နှုန်းအထိ တိုးမြှင့်ပေးနိုင်တယ်လို့ ပြောပါတယ်။ ဒါ့အပြင် လျှပ်စစ်ကားရဲ့ အလေးချိန်ကို လျှော့ချပေးနိုင်ပါတယ်။ Factorial က အနာဂတ် လျှပ်စစ်ကားတွေဟာ မိုင် ၆၀၀ ကျော် မောင်းနှင်နိုင်ဖို့ ရည်မှန်းထားပါတယ်။
Ref : electrek
