၂၀၂၆ ခုနှစ် မတ်လ ၁၃ ရက်နေ့မှာ ကမ္ဘာ့ပထမဆုံး စီးပွားဖြစ် ဦးနှောက်နဲ့ ကွန်ပျူတာ ချိတ်ဆက်ပေးတဲ့ (BCI) ဆေးဘက်ဆိုင်ရာ ကိရိယာကို တရုတ်က သုံးခွင့်ပြုလိုက်ပါတယ်။
Shanghai အခြေစိုက် Borui Kang Medical Technology က တီထွင်ထားတဲ့ အဲဒီစနစ်ဟာ လည်ပင်းကျောရိုးမကြီး ထိခိုက်မိလို့ ခြေလက်လေးဖက် မသန်စွမ်းဖြစ်သွားတဲ့ အရွယ်ရောက်ပြီးသူတွေ လက်လှုပ်ရှားမှု ပြန်လည်ရရှိဖို့ ကူညီပေးနိုင်အောင် ဒီဇိုင်းထုတ်ထားတာ ဖြစ်ပါတယ်။
အဲဒီကိရိယာမှာ စက်ရုပ်လက်အိတ်ကို ထိန်းချုပ်ဖို့ ဦးနှောက်အချက်ပြမှုတွေကို ဖတ်ရှုပေးတဲ့ သေးငယ်တဲ့ ထည့်သွင်းပစ္စည်းလေးတွေ ပါဝင်ပါတယ်။ လူနာတွေကို ခွက်တွေ ဒါမှမဟုတ် ဇွန်းတွေလို ပစ္စည်းတွေကို ကောက်ယူဖို့နဲ့ ကိုင်တွယ်နိုင်ဖို့ ကူညီပေးပါတယ်။ အဲဒီကိရိယာဟာ ခွဲစိတ်မှုအနည်းငယ်သာ လိုအပ်ပြီး လက်အိတ်ဆီကို အချက်ပြမှုတွေကို ကြိုးမဲ့စနစ်နဲ့ ပေးပို့ပေးပါတယ်။
စမ်းသပ်မှုတွေအရ လူနာတွေဟာ ပစ္စည်းတွေကို ပိုကောင်းကောင်း ဆုပ်ကိုင်လာနိုင်ပြီး သူတို့ရဲ့ နေ့စဉ်ဘဝကို တိုးတက်ကောင်းမွန်လာစေတာကို တွေ့ရပါတယ်။ အဲဒီကိရိယာဟာ လက်မောင်းလှုပ်ရှားနိုင်ပေမယ့် လက်ဖဝါးလှုပ်ရှားလို့မရတဲ့ ကျောရိုးမကြီး ထိခိုက်မှု ဖြစ်ထားတဲ့ အသက် ၁၈ နှစ်ကနေ ၆၀ ကြား အရွယ်ရောက်ပြီးသူတွေအတွက် ရည်ရွယ်ပါတယ်။ ဒါဟာ ကမ္ဘာပေါ်မှာ စီးပွားဖြစ်အသုံးပြုဖို့ အတည်ပြုထားတဲ့ ပထမဆုံး ဦးနှောက်နဲ့ ကွန်ပျူတာ ချိတ်ဆက်မှုဖြစ်ပြီး တရုတ်ဟာ အဲဒီနည်းပညာကို ရောင်းချတဲ့ ပထမဆုံးနိုင်ငံ ဖြစ်လာပါတယ်။
Ref : Technology Innovation
