OnePlus 8 ဖုန်းတွေကို ဒေါ်လာ ၁,၀၀ဝ အောက်နဲ့ပဲ ရောင်းချမယ်လို့ CEO ကတိပေး

အခုနောက်ပိုင်းမှာ စမတ်ဖုန်းထုတ်လုပ်သူတွေဟာ 5G ကို Support ပြုလုပ်လာတဲ့အပြင် နည်းပညာပိုင်းတွေလည်း မြင့်မားလာကြတဲ့အတွက် Flagship ဖုန်းစျေးတွေက သိသိသာသာကို မြင့်မားလာပါတယ်။ အခုနောက်ဆုံးထွက်ရှိထားတဲ့ Samsung နဲ့ Huawei တို့ရဲ့ အကောင်းဆုံး Flagship ဖုန်းတွေဖြစ်တဲ့ Galaxy S20 Ultra နဲ့ P40 Pro+ လိုမျိုးဖုန်းတွေဆိုရင် ဒေါ်လာ ၁,၃၉၉ နဲ့ရောင်းချနေတာဖြစ်ပါတယ်။

အခုလည်း OnePlus ကနေ လာမယ့် ဧပြီလ ၁၄ ရက်နေ့မှာ OnePlus 8 Series ဖုန်းတွေကို တရားဝင်မိတ်ဆက်လာတော့မှာပါ။ OnePlus ရဲ့ CEO နဲ့ Co-founder ဖြစ်တဲ့ Pete Lau ကနေ အခုအချိန်မှာ OnePlus 8 ဖုန်းတွေမှာပါဝင်လာမယ့်အချက်အလက်အချို့အပြင် စျေးနှုန်းပိုင်းကိုပါ အတည်ပြုပြောကြားခဲ့ပါတယ်။

ဒါကတော့ OnePlus 8 Series ဖုန်းတွေဟာ စျေးနှုန်းအနေနဲ့ ဒေါ်လာ ၁,၀၀၀ အောက်နဲ့ပဲ ရောင်းချသွားမှာဖြစ်တယ်လို့ အတည်ပြုပေးလိုက်တာဖြစ်ပါတယ်။ ဒါတင်မဟုတ်သေးဘဲ Pete Lau ကတော့ OnePlus 8 5G ဖုန်းတွေရဲ့ စျေးအကြီးဆုံး Version က လက်ရှိ ဒေါ်လာ ၉၉၉ နဲ့ရောင်းချနေတဲ့ Samsung Galaxy S20 5G ဖုန်းထက်တောင် စျေးသက်မယ်လို့ စျေးသက်သာဦးမယ်လို့ ပြောကြားခဲ့ပါတယ်။