OnePlus က တရုတ်မှာ ဒီလ ၂၇ ရက်နေ့မှာ Snapdragon 8 Gen 3 ပါတဲ့ OnePlus Ace 3 Pro ကို ကြေညာမှာပါ။ အဲဒီဖုန်းနဲ့အတူ OnePlus Pad Pro , OnePlus Watch 3 နဲ့ OnePlus Buds 3 TWS နားကြပ်ကိုပါ မိတ်ဆက်နိုင်ပါတယ်။ OnePlus က Pad Pro ရဲ့ ဓါတ်ပုံကို မျှဝေထားပြီး ဒီဇိုင်းနဲ့ အရောင်ကို တွေ့ရပါတယ်။
OnePlus Pad Pro ရဲ့ ဒီဇိုင်းဟာ အရင်နှစ်က ကြေညာခဲ့တဲ့ မူလ OnePlus Pad နဲ့ တူညီပါတယ်။ Display ပတ်လည်က ဘောင်တွေက ပါးလွှာပြီး အနောက်ဘက်မှာ ကင်မရာနဲ့ LED Flash ထည့်ထားတဲ့ စက်ဝိုင်းပုံ Module ပါပါတယ်။
သတ္တုကိုယ်ထည်နဲ့ တည်ဆောက်ထားပြီး Khaki Green နဲ့ Space Grey အရောင်တွေ ထုတ်လုပ်ထားပါတယ်။ OnePlus Pencil နဲ့ တွဲဖက် အသုံးပြုနိုင်ပါတယ်။ Keyboard Accessory ကို အဆင့်မြှင့်ထားပြီး ကြီးမားတဲ့ Touchpad ပါလာမှာပါ။
ပေါက်ကြားသတင်းအရ OnePlus Pad Pro ဟာ Snapdragon 8 Gen 3 ပါတဲ့ ပထမဆုံး တက်ဘလက် ဖြစ်လာမှာပါ။ 12.1” LCD 3K Display , 144Hz Refresh Rate ပါလာနိုင်ပြီး 16GB RAM , 512GB Storage နဲ့ 67W Charging ထောက်ပံ့တဲ့ 9,510mAh Battery ထည့်ထားမှာပါ။ အရှေ့ဘက်မှာ 8MP နဲ့ အနောက်ဘက်မှာ 13MP ကင်မရာ ပါလာနိုင်ပါတယ်။ 8GB+128GB, 8GB+256GB, 12GB+256GB နဲ့ 16GB+512GB မော်ဒယ်တွေ ထုတ်လုပ်ထားနိုင်ပါတယ်။
Ref : gizmochina
