Xiaomi က တန်ဖိုးနည်း Poco C61 ကို ကြေညာလိုက်ပြီး မကြာခင်က ကြေညာခဲ့တဲ့ Redmi A3 နဲ့ Specs များစွာ တူညီပါတယ်။ Poco C61 မှာ 90Hz မျက်နှာပြင်၊ Helio G36 Chipset နဲ့ 5,000mAh Battery ပါလာပါတယ်။
Poco C61 မှာ 6.71” LCD HD+ မျက်နှာပြင်တပ်ဆင်ထားပြီး အရွယ်သေး Notch မှာ 5MP ကင်မရာ ထည့်ထားပါတယ်။ မျက်နှာပြင်ကို Corning Gorilla Glass 3 နဲ့ ကာကွယ်ထားပါတယ်။
အနောက်ဘက်မှာ 8MP Main , Auxiliary Lens နဲ့ LED Flash တပ်ဆင်ထားပါတယ်။ MediaTek Helio G36 SoC မောင်းနှင်ထားပြီး 4/6GB RAM နဲ့ 64/128GB Storage ပါလာကာ microSD Card စိုက်နိုင်ပါတယ်။
Android 14 OS မောင်းနှင်ထားပြီး 10W Charging ထောက်ပံ့တဲ့ 5,000mAh Battery ပါပါတယ်။ ဘေးဘက်လက်ဗွေရာ ကိရိယာနဲ့ နားကြပ်ပေါက် ထည့်သွင်းထားပါတယ်။
Poco C61 အတွက် Diamond Dust Black , Ethereal Blue နဲ့ Mystical Green အရောင်တွေ ထုတ်လုပ်ထားပြီး 4/64GB ကို ၉၀ ဒေါ်လာနဲ့ 6/128GB ကို ၁၀၂ ဒေါ်လာ သတ်မှတ်ထားပါတယ်။ အိန္ဒိယမှာ မတ်လ ၂၈ ရက်က စတင် ရောင်းချပေးလိုက်ပါပြီ။
Ref : gsmarena
