ပေါ်တူဂီ နည်းပညာ ဝက်ဘ်ဆိုက် ၁ ခုက POCO F2 Pro ရဲ့ ဈေးနဲ့ Specs တွေကို ပြီးခဲ့တဲ့ ၁ ပတ်က မျှဝေခဲ့ပါတယ်။ Pro မော်ဒယ် အပါအဝင် မော်ဒယ် ၂ ခု ထွက်လာနိုင်ပြီး စွမ်းရည်မြင့် မော်ဒယ်ဟာ POCO F2 Pro ဖြစ်မှာပါ။ နောက် ၁ လုံးက ရိုးရိုး POCO F2 ဖြစ်မှာပါ။ အခုတော့ ကုမ္ပဏီက POCO F2 Series ရဲ့ Teaser တွေကို မျှဝေလိုက်တဲ့အတွက် မကြာခင်မှာ ကြေညာတော့မယ်လို့ ထင်ပါတယ်။
Miss us much? RT now to help #WakeUpPOCO! pic.twitter.com/7sTDfiPGr4
— POCO (@POCOGlobal) May 1, 2020
POCO ရဲ့ Global Twitter အကောင့်ကို ၂၀၁၉ ခုနှစ် မတ်လကတည်းက ဖန်တီးထားပြီး ဒီလကစလို့ #WakeUpPOCO Hashtag နဲ့ ပို့စ်တွေ တင်လာခဲ့ပါတယ်။ POCO ဟာ မကြာခင်မှာ ဖုန်း အသစ်တွေကို နိုင်ငံတကာအတွက် ကြေညာနိုင်ပါတယ်။ POCO F2 ကို မေလမှာ ကြေညာမယ်လို့ မကြာခင်က သတင်းထွက်လာပြီး POCO F2 Series တွေကို နိုင်ငံတကာအတွက် ကြေညာဖို့ သိပ်မလိုတော့ပါဘူး။
RT with #WakeUpPOCO or hit the ❤️ button
That's all you need to do to help #WakeUpPOCO pic.twitter.com/t86PduMKj8
— POCO (@POCOGlobal) May 2, 2020
ပေါ်တူဂီ ဝက်ဘ်ဆိုက်က POCO F2 Pro ဟာ Redmi K30 Pro ကို အဆင့်မြှင့် ရောင်းချတာလို့ ဖော်ပြထားပါတယ်။ POCO F2 အတွက် 6GB RAM / 128GB Storage နဲ့ 8GB RAM / 256GB Storage တွေ ပါလာနိုင်ပြီး ၆၄၉ ယူရိုနဲ့ ၇၄၉ ယူရို အသီးသီး သတ်မှတ်ထားနိုင်ပါတယ်။ မြန်မာငွေ ၁၀ သိန်းနဲ့ ၁၁ သိန်း ၅ သောင်းလောက် ကျသင့်နိုင်ပါတယ်။
Loading…99%…
RT now with #WakeUpPOCO to complete the last 1%. pic.twitter.com/LPzoIkn9x7
— POCO (@POCOGlobal) May 3, 2020
POCO F2 Pro မှာ ၆.၆၇ လက်မ Notch-less IPS LCD မျက်နှာပြင် ပါလာနိုင်ပြီး 20MP Pop-up ဆဲလ်ဖီး ကင်မရာ ထည့်ထားနိုင်ပါတယ်။ အနောက်ဘက်မှာ Sony IMX686 64MP , 13MP Ultrawide , 5MP Telephoto နဲ့ 2MP Depth ကင်မရာ ၄ လုံးပါလာနိုင်ပြီး Snapdragon 865 မောင်းနှင်ထားနိုင်ပါတယ်။ 33W Fast Charging ထောက်ပံ့တဲ့ 4,700mAh ဘက်ထရီ ပါလာနိုင်ပါတယ်။
Ref : gizmochina
