Elon Musk ရဲ့ “နောက်နှစ်ဖြစ်လာမယ်” ဆိုတဲ့ ကတိတွေက တကယ်မဖြစ်လာတဲ့အခါ တချို့လူတွေအတွက်တော့ ငွေရှာပေါက်တစ်ခု ဖြစ်လာပါတယ်။ Polymarket နဲ့ Kalshi လို Prediction market တွေမှာ Musk ရဲ့ ပြောစကားတွေ လွဲချော်မယ်ဆိုတဲ့ဘက်ကနေ လောင်းကြေးထပ်ပြီး ငွေရှာနေကြတာပါ။
Musk က ၂၀၂၅ မှာ AI က လူထက်သာမယ်၊ မောင်းသူမဲ့ကားတွေ နောက်နှစ်ရမယ်လို့ ခဏခဏ ပြောလေ့ရှိပါတယ်။ ဒါပေမဲ့ Polymarket အသုံးပြုသူ David Bensoussan ကတော့ Musk စကားတွေကို မယုံပါဘူး။ သူက Musk နိုင်ငံရေးပါတီ မထောင်ဘူးဆိုတဲ့ဘက်ကနေ ဒေါ်လာ ၁၀,၀၀၀ လောင်းပြီး ၁၀% အမြတ်ရခဲ့သလို၊ Tesla ရဲ့ Self-Driving စနစ် အချိန်မီမပြီးဘူးဆိုတဲ့ဘက်ကနေလည်း လောင်းကြေးထပ်ခဲ့ပါတယ်။
ရလဒ်ကတော့ Bensoussan တစ်ယောက် Musk ရဲ့ ကတိတွေမတည်နိုင်တာကို အခွင့်ကောင်းယူပြီး ဒေါ်လာ ၃၆,၀၀၀ ကျော်တောင် အိတ်ကပ်ထဲ ထည့်နိုင်ခဲ့ပါပြီ။ Musk ရဲ့ စကားတွေက နားထောင်လို့ကောင်းပေမယ့် လက်တွေ့မှာတော့ သူ့ကို ဆန့်ကျင်ဘက်ကနေ လောင်းကြေးထပ်တာက ပိုတွက်ခြေကိုက်နေပုံပါပဲ။
Ref : Fossbytes
