ဒီနှစ်မှာ Realme က သူတို့ရဲ့ နံပါတ် ဖုန်း စီးရီးကို ပြန်လည်ပြင်ဆင်လိုက်ပါတယ်။ ဒါကြောင့် Realme 15 Pro က ဒီနှစ်အစောပိုင်းကထွက်ခဲ့တဲ့ Realme 14 Pro+ ရဲ့ နောက်ထွက်မော်ဒယ်ဖြစ်လာပြီး၊ သာမန် Realme 15 ကတော့ Realme 14 Pro ရဲ့နေရာကို ဆက်ခံမှာဖြစ်ပါတယ်။
Realme 15 Pro အသစ်မှာ ပိုပြီးစွမ်းဆောင်ရည်မြင့်တဲ့ Snapdragon 7 Gen 4 chipset ကို အခြေခံထားပြီး 6.8 လက်မ OLED display ကိုပဲ ဆက်သုံးထားပေမဲ့ ဒီတစ်ခါမှာတော့ 144Hz refresh rate ပါဝင်လာပါတယ်။ Realme က သူတို့ရဲ့ AirFlow VC အကြီးစားကြောင့် ကြာရှည်တည်ငြိမ်တဲ့ စွမ်းဆောင်ရည်ကောင်းမွန်မှုကို ပေးစွမ်းနိုင်မယ်လို့ ကတိပေးထားပါတယ်။
ကင်မရာပိုင်းမှာတော့ 50MP ကင်မရာသုံးလုံး ပါဝင်လာပါတယ် – နောက်ကျောမှာ နှစ်လုံးနဲ့ အရှေ့ဘက်မှာတစ်လုံးပါ။ ဒါကြောင့် ဒီတစ်ခါမှာ သီးသန့် telephoto ကင်မရာတော့ ပါဝင်တော့မှာမဟုတ်ပါဘူး။ ပင်မကင်မရာမှာ 1/1.56″ အရွယ်အစားရှိတဲ့ Sony IMX 896 sensor ကိုသုံးထားပြီး ultrawide ကင်မရာကိုတော့ 8MP ကနေ 50MP အထိ အဆင့်မြှင့်တင်ထားပါတယ်။ Selfie ကင်မရာကလည်း 50MP ဖြစ်လာပြီး ဒီနှစ်အစောပိုင်းက Realme 14 Pro+ မှာသုံးခဲ့တဲ့ ခေတ်နောက်ကျနေတဲ့ 32MP sensor ထက် သိသိသာသာ အဆင့်မြှင့်တင်ထားတာလို့ မျှော်လင့်ရပါတယ်။
Hardware အဆင့်မြှင့်တင်မှုတွေအပြင်၊ Realme က AI နဲ့ပတ်သက်တဲ့ ကင်မရာ feature အသစ်တချို့ကိုလည်း မိတ်ဆက်ပေးခဲ့ပါတယ်။ အဲဒီထဲကတစ်ခုကတော့ AI Edit Genie လို့ခေါ်ပြီး ဖုန်းရဲ့ gallery ထဲမှာ အလုပ်လုပ်မှာဖြစ်ပါတယ်။
ဘက်ထရီပိုင်းမှာတော့ 7,000 mAh အထိ အကြီးအကျယ်အဆင့်မြှင့်တင်ထားပြီး 80W fast charging ကိုလည်း ဆက်လက်ထောက်ပံ့ပေးထားပါတယ်။ အားသွင်းအကြိမ်ရေ ၁,၆၀၀ ပြည့်ပြီးနောက်မှာတောင် ဘက်ထရီရဲ့ စွမ်းဆောင်ရည် ၈၀% ကျန်ရှိနေသေးမယ်လို့ Realme က အာမခံထားပါတယ်။
ဒါပေမဲ့ ဘက်ထရီပိုကြီးလာပေမဲ့လည်း Realme က ဖုန်းကို 7.69mm အထူအထိ ပါးလွှာအောင်လုပ်နိုင်ခဲ့ပြီး အရင်မော်ဒယ်ထက် အနည်းငယ်ပိုပါးသွားပါတယ်။
ဒီဖုန်းကို Flowing Silver, Velvet Green နဲ့ Silk Purple ဆိုပြီး အရောင်သုံးမျိုးနဲ့ ရရှိနိုင်မှာပါ။ 8GB/128GB ဗားရှင်းအတွက် အခြေခံဈေးနှုန်းက INR 28,999 (~$335) ဖြစ်ပြီး၊ 8GB/256GB ဗားရှင်းအတွက်ကတော့ INR 30,999 (~$360) ကျသင့်မှာဖြစ်ပါတယ်။ 12GB/256GB နဲ့ 12GB/512GB လိုမျိုး ပိုမြင့်တဲ့ memory configuration တွေလည်းရှိပြီး ဈေးနှုန်းတွေကတော့ INR 32,999 (~$380) နဲ့ INR 35,999 (~$415) အသီးသီးဖြစ်ပါတယ်။
လက်ရှိမှာ ကြိုတင်မှာယူနိုင်ပြီဖြစ်ပြီး အိန္ဒိယစံတော်ချိန် ဇူလိုင်လ ၃၀ ရက်၊ နေ့လယ် ၁၂:၀၀ နာရီမှာ ရောင်းချမှာဖြစ်ပါတယ်။
Ref : gsmarena
