realme က CES မှာ 240W Charging ကို ကြေညာလိုက်ပြီး စမတ်ဖုန်း နယ်ပယ်ထဲမှာ ဒါဟာ ပထမဆုံး ဖြစ်ပါတယ်။ ကုမ္ပဏီက 240W Charging ကို အရင်ဆုံး ထည့်သွင်းထားမယ့် စမတ်ဖုန်းဟာ realme GT Neo 5 လို့ အတည်ပြုလိုက်ပါတယ်။
ပေါက်ကြားသတင်းတွေအရ အဲဒီ ဖုန်းမှာ Snapdragon 8+ Gen 1 မောင်းနှင်ထားမှာ ဖြစ်ပြီး Dimensity 8200 နဲ့ 150W Charging ပါတဲ့ GT Neo 5 မော်ဒယ် နောက်တစ်မျိုုးလည်း ထွက်လာမယ်လို့ သတင်းထွက်နေပါတယ်။
GT Neo 5 မှာ 50MP Main (OIS), 8MP Ultrawide , 2MP ကင်မရာ ၃ လုံးကို အနောက်ဘက်နဲ့ 16MP ကင်မရာ ၁ လုံးကို အရှေ့ဘက်မှာ တပ်ဆင်ထားမှာပါ။ မျက်နှာပြင်က ၆.၇ လက်မ 1.5K Resolution (1240x2772p) ဖြစ်ပြီး 144Hz Refresh Rate ပါလာမှာပါ။
ဖုန်းမှာ အပူချိန် ဆန်ဆာ ၁၃ ခု တပ်ဆင်ထားမှာ ဖြစ်ပြီး အားသွင်းတဲ့အချိန်မှာ စောင့်ကြည့်ကာ အပူချိန် အလွန် များလာတာနဲ့ အားသွင်းတာကို ရပ်ပေးနိုင်ပါတယ်။ realme က ဘက်ထရီဟာ 1,600 Charge Cycle ပြီးနောက်မှာ ပမာဏ ၈၀ ရာခိုင်နှုန်း ကျန်တယ်လို့ ပြောပါတယ်။
realme က Charger ဟာ 240W Power ကို ထုတ်ပေးနိုင်တယ်လို့ ပြောပါတယ်။ 20V/12A နဲ့ 10V/24A ကို ထောက်ပံ့ပြီး realme GT Neo3 မှာ ထည့်ထားတဲ့ အရင်မျိုးဆက် 150W Adapter ထက် ၅ ရာခိုင်နှုန်းပဲ ပိုကြီးပါတယ်။
GT Neo3 ရဲ့ 150W Charging က 4,500mAh ဘက်ထရီကို ၁၆ မိနစ်အတွင်း ၁၀၀ ရာခိုင်နှုန်း အားသွင်းပေးနိုင်ပါတယ်။ GT Neo5 ရဲ့ အားသွင်းချိန်ကို မသိရသေးဘဲ 240W Charging ပါတဲ့ GT Neo5 ကို နောက်လ ကြေညာမှာပါ။
Ref : gsmarena
