realme က အိန္ဒိယမှာ မကြာခင် 13 Pro Series ကို ကြေညာတော့မှာ ဖြစ်ပါတယ်။ ကုမ္ပဏီက တွစ်တာမှာ အဲဒီ အကြောင်း ကြေညာထားတာ ဖြစ်ပြီး အဲဒီ စမတ်ဖုန်းတွေမှာ AI စွမ်းရည်တွေ ပါလာမယ်လို့ ပြောပါတယ်။
realme 13 Pro ဟာ ပထမဆုံး ပရော်ဖက်ရှင်နယ် “AI Camera Phone” ဖြစ်လာမှာ ဖြစ်ပြီး ဓါတ်ပုံ စွမ်းရည် အဆင့်မြင့်မားမယ်လို့ realme က ပြောပါတယ်။
ကုမ္ပဏီက မျှဝေထားတဲ့ Teaser ဓါတ်ပုံမှာ realme 12 Pro ဒီဇိုင်းကို ဆက်လက် အသုံးပြုထားပြီး အနောက်ဘက်မှာ ကင်မရာ Island ကို အလယ်မှာ ထည့်သွင်းထားပါတယ်။ ကင်မရာတွေရဲ့ အောက်မှာ “Hyperimage+” Tagline ကို မြင်ရပါတယ်။
realme 13 Pro Series ရဲ့ သတင်းအချက်အလက် အနည်းငယ်ကိုပဲ လက်ရှိမှာ သိထားရပြီး realme 13 Pro+( Model Number RMXC3921) မှာ 5,050mAh Battery ပါလာမှာပါ။ 50MP Sony IMX899 Main ကင်မရာနဲ့ 50MP IMX882 3x Periscope Zoom ကင်မရာ တပ်ဆင်ထားနိုင်ပါတယ်။
realme က 13 Pro ကို အိန္ဒိယမှာ Flipkart နဲ့ ကိုယ်ပိုင် ဝက်ဘ်ဆိုက် ကနေ ရောင်းချမှာ ဖြစ်ပါတယ်။
Ref : gsmarena
